Eksodha 27:1 - Bhiblia Yo Sawuleka

¹ “U na maha txiluvelo ngu mapulango a setime; aale ma ku ni mtxhanu wa mikono ya kulapha, ni mtxhanu wa mikono kuanama (txiluvelo nja mune wa makhona o dingana), ni mikono yimbidi kudemba ka kona.

Eksodha 27:1 Referans Kwoze

Vahebheru 13:10

Hi ni txiluvelo, atxiya va si faneliko kudyela ka txona ava va khozelako ditendani.

2 Makronika 4:1

Solomoni a to maha txiluvelo txa koporo atxi txi ku ni magumi mambidi a mikono, kuanama ka txona ku ti ti hoka magumi mambidi a mikono yi di ni digumi da mikono ya kulapha kuya txitimwi.

2 Samuwele 24:18

Se ka ditshiku donedo, Gadhi a to ta ka Dhavhidha, a txi ta khene kwakwe: Kwelela, u ya aka txiluvelo txa Mkoma txizendani ka Arawuna, Mujebhusi.

Eksodha 40:29

a vekile txiluvelo txa mningelo wo hiswa, ha txikeni ka nyumba yo sawuleka, ya ditenda da msengeletano, se a to maha kona mningelo wo hiswa ni mningelo wa sakudya, nga tonti Mkoma a nga leletisa tona ka Mosi.

Eksodha 40:10

U na tota txiluvelo txa mhamba yo hiswa ni sotshe simaha sa txona, u na sawulekisa txiluvelo, se txona txi na maneka txi di sawulekile ngutu.

Eksodha 24:4

Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Eksodha 35:16

txiluvelo txa miphaxo yo hiswa, tximaha txo bawula ngu txona, txa koporo, siparako ni sotshe simaha sa kona, mkamba ni magalo a kona,

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

Mitengo 4:13

Ngu msana ka kuva va di thavisile makhuma ha magandeloni ka kona, va na ateta txitimwi ka ona nguwo yo bhilivila.

2 Vafumeli 16:14

Aniko txiluvelo txa koporo txi nga ti ti masoni ka Mkoma, a to txi thavisa masoni ka nyumba, yi ku hagari ka txiluvelo ni Nyumba ya Mkoma, e txi veka didhawani ka txiluvelo txakwe, ngu wutxani.

1 Makronika 6:49

Se Aroni ni vanana vakwe, va ti ti hisa mafura o bhumula txitimwi ka txiluvelo txa miningelo ya kuhiswa, ni txitimwi ka txiluvelo txa dibaselo, ka wotshe mthumo wa wukhalo wo Sawuleka ngutu, kasi ku basisa va ka Israyeli, madingano ni totshe ti Mosi, txithumi txa Txizimu, a nga ti leletete.

Ezra 3:2

Se Jesuwa mwana Jezadhake, ni vanawe, ni vaphaxeli, ni Zorobhabheli, mwana Sealtiyeli, ni vanawe, va to aka txiluvelo txa Txizimu txa Israyeli, txo ningelela kona miphaxo, nga tile ti nga bhalwa Mlayoni ka Mosi, m'thu wa Txizimu.

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Eksodha 31:9

txiluvelo txa mningelo wo hiswa ni sotshe simaha sa txona, mkamba ni txipande txa kona;

Eksodha 39:39

ni txiluvelo txa koporo, ni txibawulelo txa koporo, mipakato, ni sotshe simaha sa kona, mkamba ni txipande;

Eksodha 40:6

U na veka txiluvelo txa mhamba yo hiswa ngu masoni ka txike txa nyumba yo sawuleka ya ditenda da msengeletano.

Mitengo 4:14

Se ngu txitimwi ka kona, va na veketela simaha sotshe si si thumiswako ka mthumo wa mphaxo, asi so hisela ka sona dibaselo; tifoloko, mafoxola, mikamba ni sotshe simaha sa ha magandeloni. Va na ateta ngu txitimwi didhowo do hehuka, se msana keto, va na bethela sikhongwani.