Eksodha 26:7 - Bhiblia Yo Sawuleka

⁷ U na maha mijiyo ngu matoya a tiphongo, kasi kumaha txifenengeto txitimwi ka ditenda; digumi da mijiyo ni wumwewo u na va u txi maha.

Eksodha 26:7 Referans Kwoze

1 Pedro 5:5

Nananu, vavaphya, ti vekeni hahatshi ka madhota. Ambalani moya wa kutiveka hahatshi, mmwani masoni ka mmwani; nguko, Txizimu txi nyenyana ni va va kutikulisa, kambe txi ninga makatekwa a txona ka vale va kutiveka hahatshi.

1 Pedro 3:4

Aniko, ku ti bombisa kwanu ku nave ka wuthu wa mndani ka moya, ka wuthu wo sisaleka wa mbilu, i ku kubasa ko mbi guma ka moya wo thutha ni wa kudikha, wu ku ni lisima masoni ka Txizimu.

Isaya 4:5

Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.

Masalmo 45:13

Mwanana wa muhorana wa mfumeli, ngene i ku wo woneka nyumbani kwako ka wukoma! Syambalo sakwe nza nzalama yo lukelwa!

Mitengo 31:20

Kambe mi na sawulekisa sotshe syambalo, ni sotshe syambalo sa madhowo, ni sotshe so mahwa ngu matoya a tiphongo, ni sotshe siya sa mapulango.

Mitengo 4:25

Vona va na rwala mijiyo ya dithepele, ni ditenda da msengeletano, ni sibhiyo sa madhowo a matxalu, ale ma ku txitimwi ka dona, ni m'jiyo wa ditimba da ditenda da msengeletano,

Eksodha 35:26

Vavasikati votshe avale va nga ti txharihile ni timbilu to tsakela kuthuma, va to luka matoya a tiphongo.

Eksodha 35:23

Votshe vale tinyumbani kwawe va nga ti ni tinguwo ta lisima ta mkungu, nguwo yo bhilivila, ya mtatanga, linyu yo hehuka, matoya a tiphongo, madhowo a tihamba, a penda yo bhilivila, ni madhowo o hehuka, va to si teka va txi si heleketa.

Eksodha 35:6

tinguwo ta mkungu, ni txiwunguwungu, ni to bhilivila, ni linyu yo tshura, ni matoya a tiphongo;

Eksodha 26:14

U na maha txifenengeto txa ditenda ngu madhowo a tinvuta o pendwa ngu penda yo bhilivila ni tximwani txifenengeto txa didhowo do hehuka ngu txitimwi.

Eksodha 26:12

Didhawa di di no sala ka mijiyo ya ditenda, i ku hafu ya m'jiyo awu wu salako, wu na ndiwikela ngu msana ka ditenda.

Eksodha 26:9

U na pata mtxhanu wa mijiyo yi maha m'jiyo wumwewo, ni mtxhanu wa mijiyo ni wumwewo yi txi maha wumwani m'jiyo; se u na pata mkonye wa m'jiyo wa wutxhanu ni wumwewo, masoni ka ditenda.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 25:4

nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo,

Eksodha 26:6

U na maha kambe mtxhanu wa magumi wa sihariketo sa nzalama u txi patanisa tinguwo, yimwani ni yimwani ngu sihariketo, ati to nyumba yo sawuleka yi va i di yimweyo.

Eksodha 26:8

Kulapha ka m'jiyo ku nava ka magumi mararu a mikono, se kuanana ka kona ku nava ka mune wa mikono; mijiyo yiya ya digumi ni wumwewo, yi na va ya lipimo limwelo.

Mitengo 3:25

Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano.