Eksodha 26:36 - Bhiblia Yo Sawuleka

³⁶ Ha txikeni ka ditenda, u na maha m'jiyo ngu nguwo ya mxowo wa mkuxe, mxowo wa txiwunguwungu, ni wo bhilivila, ngu nguwo ya linyu, yo hehuka, yo lukwa, yo rungiswa kutshuriselwa.

Eksodha 26:36 Referans Kwoze

Eksodha 36:37

Kasi kuvhala ha txikeni ka ditenda, kumahilwe m'jiyo ngu matoya a mkungu, a txiwunguwungu, o bhilivila, ni linyu yo tshura yo fefelwa, yi txi tshuriselwa ngu wutxhari.

Johani 14:6

Jesu a to mu gela a txi khene: “Ani ngani Nzila, Ditshuri ni Wutomi. Kha nga ho awule a tako ka Tata, i si nga ngu ngani.

Johani 10:9

Ani ngani ni ku txike: Ngako m'thu a txi wulela ngu ngani, a na hanyiswa; a na wulela, a txi huma, eya mana lihawu.

Masalmo 78:60

Txi lekile nyumba ya txona yo khozela ya Silo, i nga ti ditenda da txona do zumba ka dona hagari ka vathu.

2 Samuwele 7:6

Nguko kha ni khali kuzumba ka nyumba ni ya yimweyo, kukhukhela ditshiku dile ni nga humisa ngu dona vanana va ka Israyeli Egipta kala ka ditshiku da nyamsi; kambe ni zumbile amu ka matenda ni mu ka midhuti.

Mitengo 9:15

Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.

Mitengo 3:25

Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano.

Eksodha 39:33

Va to tisa ka Mosi ditenda do sawuleka; ditenda da mengeletano ni sotshe simaha sa kona i ku siya: Sihariketo, mapulango, timbalelo, tiphande ni siparako;

Eksodha 35:11

Nyumba yo sawuleka, ni ditenda da kona, sitshulelo sa kona, masinda a kona, mapulango a kona, sipambiyeto sa kona, tiphande ta kona ni sihiketelo sa kona;

Eksodha 26:31

Ngu msana u na maha m'jiyo wa mxowo wa mkuxe ni wa txiwunguwungu ni wo bhilivila, ngu linyu yo hehuka yo lukelwa, yi mahwa ngu wutxhari ni kurungelwa ngu kutshuriselwa, na wu di ni sifananiso sa makerubhima.

Eksodha 27:16

Ditimba da diguma di na va da m'jiyo: Da magumi mambidi a mikono a nguwo ya mkuxe, ya txiwunguwungu, yo bhilivila, ya linyu yo hehuka yo somborotelwa, yo rungwa ngu kutshuriselwa; ayi yi no va ni mune wa tiphande ni mune wa sipande.

Eksodha 28:39

U na maha dihembe ngu nguwo yo hehuka yo tshura, u na maha txigoko ngu nguwo yo hehuka yo tshura ni libhande la miningelo lo rungelwa ngu kutshuriselwa.

Eksodha 38:18

Se m'jiyo wa txike txa diguma i ti ti wo mahwa ngu mluki, wa nguwo ya mkuxe, yo txiwunguwungu, yo bhilivila, ya linyu yo hehuka yo somborotelwa; kulapha ka kona i ti ti ka magumi mambidi a mikono, ni kudema, ka kuanama ka mtxhanu wa mikono. Masoni ka mijiyo ya diguma.

Eksodha 39:29

libhande lo mahwa ngu linyu ya lisima, lo lukwa ngu kutshuriselwa, nga tonti Mkoma a nga leletelisa tona ka Mosi.

Ezekhiyele 16:10

Kambe ni ku ambekile ngu sa ku lukwa, ni ambeka mikondo yako ngu didhowo da ditxalo, ni txi ku phutela ngu masilika, ni ku ku fenengeta ngu disedha.

Eksodha 28:15

U na maha txyambalo txa hakhana, txo thethisa ngu txona timhaka txi txi mahwa ngu wutxhari; u na txi maha u txi txi rungela ku nga efodhe, ngu nzalama, ngu mkuxe, ngu nguwo yo bhilivila, ya mkungu ni nguwo ya linyu yo rungelwa ngu kutshuriselwa.

Eksodha 35:15

txiluvelo txa dibaselo ni mipakato, ni mtona wa kutota, dibaselo do bhumula, ni m'jiyo wa txike txo wulela ngu txona nyumbani ko sawuleka;

Eksodha 40:5

U na veka txiluvelo txa nzalama txa dibaselo do bhumula ngu masoni ka dibhokiso da Wufakazi; sekoko u na hayeka m'jiyo ngu ha txikeni ka ditenda do sawuleka.