Eksodha 26:33 - Bhiblia Yo Sawuleka

³³ U na hayeka m'jiyo ngu hahatshi ka siparako, kambe ngu hagari ka kona, mndani ka m'jiyo u na veka dibhokiso da wufakazi. M'jiyo wu na komba m'hingano ka wukhalo wo sawuleka ni wukhalo wo sawuleka ngutu.

Eksodha 26:33 Referans Kwoze

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 40:21

A to wuletisa dibhokiso amu ka ditenda do sawuleka, a txi hayeka nguwo ya m'jiyo, a txi fenengeta ngu yona dibhokiso da wufakazi, nga tonti Mkoma a nga leletelisa tona ka Mosi.

Eksodha 25:16

Msana keto, u na veka Txifakaziso txi ni no kuninga aha ka dibhokiso.

1 Vafumeli 8:10

Se ku to maheka ti to va txi huma vaphaxeli ngu ka wukhalo wo sawuleka, direfu dokari di tata Nyumba ya Mkoma.

1 Vafumeli 8:6

Se vaphaxeli va to tisa dibhokiso da txitumelelano txa Mkoma ka wukhalo wa dona, ka wukhalo wo khongela ka wona, wo sawuleka ngutu, kala hahatshi ka tibhapi ta makerubhima.

Eksodha 36:36

Kumahilwe ka wona mune wa tiphande ta mndonga wa setime, ve bhama ngu nzalama; sihariketo sa kona i ti sa nzalama, se ku txi vekwa ka ona mune wa siparako sa silivhela.

Eksodha 27:10

Tiphande ta kona ta magumi mambidi ni siparako sa kona sa magiumi mambidi si na va sa koporo. Sihariketo sa tiphande ni madhawani ka kona si na va sa silivhela.

Eksodha 26:32

U na wu hayeka aha ka mune wa tiphande ta mndonga wa setime, tile ti no bhamwa ngu nzalama, ti ku ni mune wa sihariketo sa nzalama ngu txitimwi ka mune wa sipande sa silivhela.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

1 Vafumeli 6:16

A to aka kambe magumi mambidi a mikono a mapulango a mikedhari madhawani ka nyumba, kukhukhela hahatshi kala mu ka maseta, se ngu nyumbani a to aka wukhalo wa siprofeto, ka Wukhalo wo Sawuleka.

2 Makronika 3:8

Solomoni a to aka kambe nyumba yo sawuleka ngutu, kulapha ka yona madingano ni kuanama ka nyumba i ti ti ka magumi mambidi a mikono, se kuanama ka yona i ti ti ka magumi mambidi a mikono; atxi yi bhama ngu nzalama yo hehuka a yi yi ku ni kunemela ka 600 wa titalenta.

Ezekhiyele 41:4

Kambe a to pima kulapha ka kona: Magumi mambidi a mikono, se kuanama magumi mambidi a mikono, masoni ka dithepele; se a to khene kwangu: Akuwa, ngu Sawuleka ka Kusawuleka.