Eksodha 26:32 - Bhiblia Yo Sawuleka

³² U na wu hayeka aha ka mune wa tiphande ta mndonga wa setime, tile ti no bhamwa ngu nzalama, ti ku ni mune wa sihariketo sa nzalama ngu txitimwi ka mune wa sipande sa silivhela.

Eksodha 26:32 Referans Kwoze

Esteri 1:6

Ku ti ti tshurisetwe ngu nguwo yo basa, ni ya mkungu ni ya mkuxe wa nzuma, ti di hayekilwe ka tingoti ta linyu yo hehuka ni ya txiwunguwungu, ni sikhweketo sa silivhela, ni ka tiphande ta marigwi a lisima; mibhedhu i ti ti ya nzalama ni ya silivhela, txitimwi ka marigwi o basa, ni a lisima, ni ya alabhastru, ni ya marigwi a lisima.

Eksodha 36:38

Ve maha tiphande ta kona ta mtxhanu, ni siparako sa kona; kubhamilwe misungo ya kona ni timbalelo ta kona ngu nzalama; siparako sa kona sa mtxhanu i ti sa koporo.

Eksodha 26:37

Ka wuwa m'jiyo u na maha mtxhanu wa tiphande ngu mndonga wa setime, to bhamwa ngu nzalama, sihariketo sa kona si na va sa nzalama, ni kambe u na nyivilikisa u txi khandela mtxhanu wa sipande sa koporo.

Eksodha 25:5

madhowo a tinvuta o pendwa ngu penda yo bhilivila, didhowo do hehuka, ni mapulango a setime,

Eksodha 26:31

Ngu msana u na maha m'jiyo wa mxowo wa mkuxe ni wa txiwunguwungu ni wo bhilivila, ngu linyu yo hehuka yo lukelwa, yi mahwa ngu wutxhari ni kurungelwa ngu kutshuriselwa, na wu di ni sifananiso sa makerubhima.

Eksodha 26:33

U na hayeka m'jiyo ngu hahatshi ka siparako, kambe ngu hagari ka kona, mndani ka m'jiyo u na veka dibhokiso da wufakazi. M'jiyo wu na komba m'hingano ka wukhalo wo sawuleka ni wukhalo wo sawuleka ngutu.