Eksodha 26:31 - Bhiblia Yo Sawuleka

³¹ Ngu msana u na maha m'jiyo wa mxowo wa mkuxe ni wa txiwunguwungu ni wo bhilivila, ngu linyu yo hehuka yo lukelwa, yi mahwa ngu wutxhari ni kurungelwa ngu kutshuriselwa, na wu di ni sifananiso sa makerubhima.

Eksodha 26:31 Referans Kwoze

Matewu 27:51

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela.

2 Makronika 3:14

Solomoni a to maha nguwo yo kwalala ni yo bhilivila, ni nguwo yo bhilivila ngutu, ni yo hehuka ya disilika e ti sanzeka txitimwi ka makerubhima.

Eksodha 36:35

Kumahilwe m'jiyo wa mixowo ya mkungu, ni wa txiwunguwungu, ni wo bhilivila, ni wa linyu yo hehuka yo fefelwa, yi rungelwa sikombiso sa makerubhima.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 36:8

Ngu toneto, totshe titxhari hagari ka votshe avale va nga ti thuma ha kuakani, va to aka ditenda do sawuleka, ve maha mthumo wa lisima, ngu digumi da tinguwo ta linyu yo tshuriselwa, yi lukelwa nguwo ya mkungu, ni ya txiwunguwungu, ni yo bhilivila, ti di ni mifananiso ya makerubhima o rungelwa ngu kutshuriselwa.

Eksodha 26:1

Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Vaefesu 2:14

Kristu ngu wutumbu wakwe, ngene kudikha kwathu, ene a nga patanisa tixaka timbidi ta vathu, a txi va maha lixaka limwelo, a txi fuvisa txibhiya txi txi nga ti va abanisa, a txi fuvisa livengo ngu kuningela mmidi wakwe;

Marku 15:38

Se nguwo ya Dithepele yi to vharuka ngu hagari, kukhukhela txitimwi kala hahatshi.

Ndando ya Tindando 7:1

Hi nga kutshura ka mikondo yako amu ka tikathula, awe dihorana da mfumeli! Tinyonga tako ti fana ni tidhayimani, to mahwa ngu manza a titxhari.

Masalmo 137:5

Ngako ni txi kudivala awe, Jerusalema, diwoko dangu da txinene di na womelele.

Levhi 16:15

Msana keto, a na daya mabhongwe wu a nga mahwa mningelo ngu vathu, kasi kumaha mhamba yo divalela txionho, e teka mnoha wa kona e wu tisa mndani ka nguwo a txi maha tonti a nga maha ngu mnoha wa dirole, e xwayela ngu wona masoni ka txifenengeto txa mtundu ni txitimwi ka wona.

Eksodha 40:21

A to wuletisa dibhokiso amu ka ditenda do sawuleka, a txi hayeka nguwo ya m'jiyo, a txi fenengeta ngu yona dibhokiso da wufakazi, nga tonti Mkoma a nga leletelisa tona ka Mosi.

Eksodha 40:3

U na veka ka yona dibhokiso da txitumelelano kambe u na fenengeta ngu nguwo ya m'jiyo.

Eksodha 38:23

Ene a txi vhunwa ngu Oholiyabhe, mwana Ayizamake, wa lihunzu la ka Dhani, wo txhariha amu ka mavato, ni kutshurisa, ni ku rungela nguwo ya mxowo wa mkungu, ni wa txiwunguwungu, ni wo bhilivila ni linyu yo tshura yo lukwa.

Eksodha 35:35

a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

Eksodha 35:25

Se votshe vavasikati vo txhariha va zivako kuluka tinguwo, va to luka ngu manza awe vapune, ve wuyisa tinguwo ta mkungu, ni to zirila, ni to bhilivila, ni ta linyu yo tshura.

Eksodha 35:6

tinguwo ta mkungu, ni txiwunguwungu, ni to bhilivila, ni linyu yo tshura, ni matoya a tiphongo;

Eksodha 28:15

U na maha txyambalo txa hakhana, txo thethisa ngu txona timhaka txi txi mahwa ngu wutxhari; u na txi maha u txi txi rungela ku nga efodhe, ngu nzalama, ngu mkuxe, ngu nguwo yo bhilivila, ya mkungu ni nguwo ya linyu yo rungelwa ngu kutshuriselwa.

Eksodha 25:18

u na maha makerubhima mambidi a nzalama yo surutetwa, magwito ka txikhalo txa wumbilu.

Eksodha 25:4

nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo,

Luka 23:45

ngu mhaka ya kuphumiswa ka ditambo, se nguwo ya Dithepele yi to vharuka ngu hagari;

Eksodha 26:32

U na wu hayeka aha ka mune wa tiphande ta mndonga wa setime, tile ti no bhamwa ngu nzalama, ti ku ni mune wa sihariketo sa nzalama ngu txitimwi ka mune wa sipande sa silivhela.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 36:36

Kumahilwe ka wona mune wa tiphande ta mndonga wa setime, ve bhama ngu nzalama; sihariketo sa kona i ti sa nzalama, se ku txi vekwa ka ona mune wa siparako sa silivhela.

Eksodha 27:16

Ditimba da diguma di na va da m'jiyo: Da magumi mambidi a mikono a nguwo ya mkuxe, ya txiwunguwungu, yo bhilivila, ya linyu yo hehuka yo somborotelwa, yo rungwa ngu kutshuriselwa; ayi yi no va ni mune wa tiphande ni mune wa sipande.

Eksodha 35:12

dibhokiso ni siparako sa kona, txikhalo txa wuxinji ni m'jiyo wo vhikela;

Mitengo 4:5

Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.