Eksodha 26:30 - Bhiblia Yo Sawuleka

³⁰ Sekoko u na gwimbisa toneto ditenda, nga ti ni nga ku kombisisa tona ka wona mmango wuwa.

Eksodha 26:30 Referans Kwoze

Eksodha 25:40

Wonisisa koko, u maha madingano ni zumbelo ya kona nga tona ti u nga kombwa tona mmangoni.

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Eksodha 25:9

Mi na maha nyumba ni sotshe simaha sa kona nga ti ni no kukombisa ngu mfananiso wa kona.”

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

Vahebheru 9:23

Ngu toneto, ngako sifananiso sa simaha sa nzumani si basiswako ngu miphaxo yo nga toneto, ta laveka ti to sona simaha siya sa nzumani si basiswa ngu miphaxo yo pinda yile.

Vahebheru 8:2

Ene i mthumeli wa wukhalo wo Sawuleka wa ditenda da ditshuri, di di nga akwa ngu Mkoma, i si nga ngu m'thu.

Joxuwa 18:1

Se wotshe msengeletano wa vanana va ka Israyeli wu to tshangana kona Silo, aha va nga ya gwimba ditenda da msengeletano; nguko ditiko se va ti di khozisile masoni kwawe.

Mitengo 10:21

Sekoko va ka Kohati va to khukha, va di rwate nyumba yo sawuleka; se vamwani va to gula nyumba, vona va txi ngadi va txita.

Eksodha 40:2

“Ka ditshiku do khata da mtxima wo khata, u na aka nyumba ya ditenda da msengeletano.

Eksodha 27:8

Txiluvelo txi na va i di txa mapulango, txa diphanga ngu mndani, nga tonti ni nga ku kombisisa tona mmangoni, u na mahisa toneto.”

Eksodha 26:29

U na bhama ngu nzalama ona masinda ale u no mananisa ngu ona mihingalakanyo, yile ni yona yi no bhamwa ngu nzalama.

Mitengo 8:4

Se phande ya malambu yi ti ti mahilwe ngu nzalama yo tshulwa kala ha ka txikazelo, ni ka siluva sa kona; ni sona i ti sa nzalama yo tshulwa, madingano ni kuleleta ka Mkoma ka Mosi; phande ya malambu yi mahisilwe toneto.

1 Makronika 28:19

Totshe tiya, Dhavhidha a to khene: Va to ni ninga ngu mibhalo, ngu kuruma ka Mkoma, i ku tiya, yotshe mithumo ya txikombiso txiya.