Eksodha 26:3 - Bhiblia Yo Sawuleka

³ Mtxhanu wa mijiyo yi na patwa yi txi rungwa; ni yimwani ya mtxhanu yi na patwa yi rungwa ni yona.

Eksodha 26:3 Referans Kwoze

Vakolosa 2:19

m'thu wo ngeto kha tshanganiswa ni msungo, awu i ku ka wona, mmidi wotshe, wu di tshanganisilwe ngu madingo ni misiha, wu manako kukula kuwa wu ningwako ngu Txizimu.

Vakolosa 2:2

kasiku timbilu tawe ti txi tsaniswa; se, ti di tshanganisilwe ngu lirando, ti na ningwa kutalelwa ngu kupfisisa ko hetiseka ni wuzivi wa misisalo ya Txizimu, i ku Kristu apune;

Vaefesu 4:16

Ngu mtamo wakwe, sotshe sihango sa mmidi si ñolani ni kutsaniswa ta tinene ngu misiha yi yi nga vekwa ka sona. Ngu konaho, ngako txihango txihi ni txihi txi txi maha mthumo wa txona ngu fanelo, mmidi wotshe wa kula, wu txi ti aka ngu lirando.

1 Vakorinto 12:4

Kuho kuhambana ka sihiwa, aniko Moya wona mbumwewo;

Johani 17:21

Votshe va nave mmweyo, nga ku awe, Tata, u ku kwangu, ni nani ni ku kwako, ni vona va nave kwathu, kasiku ditiko di txi kholwa ti to u ni rumile.

Eksodha 36:10

Mtxhanu wa tinguwo toneto ti ti lunganyetilwe ti txi maha yimweyo, ni timwani ta mtxhanu ti txi maha yimwani.

Eksodha 26:9

U na pata mtxhanu wa mijiyo yi maha m'jiyo wumwewo, ni mtxhanu wa mijiyo ni wumwewo yi txi maha wumwani m'jiyo; se u na pata mkonye wa m'jiyo wa wutxhanu ni wumwewo, masoni ka ditenda.

Eksodha 26:2

Kulapha ka m'jiyo wumwewo ku nava ka magumi mambidi ni mtxhanu wa mikono ni yiraru, se kuanama ka m'jiyo wumwewo ku nava ka mune wa mikono; yotshe mijiyo yiya, yi na va ya lipimo limwelo.

Eksodha 26:4

U na maha sifundo ka nguwo yo hehuka ya mkungu amu titshokani ka nguwo yo khata ayi yi ku ngu magwito ka totshe; se ni totshe timwani ta mtxhanu u na va u txi maha nga toneto.