Eksodha 26:1 - Bhiblia Yo Sawuleka

¹ Se ditenda u na di maha ngu digumi da mijiyo ya linyu yo hehuka yo lukwa, ni nguwo ya mkuxe, ni ya txiwunguwungu ni yo bhilivila; u na yi maha yi di ni sifananiso sa makerubhima, o tshuriselwa.

Eksodha 26:1 Referans Kwoze

Eksodha 26:36

Ha txikeni ka ditenda, u na maha m'jiyo ngu nguwo ya mxowo wa mkuxe, mxowo wa txiwunguwungu, ni wo bhilivila, ngu nguwo ya linyu, yo hehuka, yo lukwa, yo rungiswa kutshuriselwa.

Eksodha 36:35

Kumahilwe m'jiyo wa mixowo ya mkungu, ni wa txiwunguwungu, ni wo bhilivila, ni wa linyu yo hehuka yo fefelwa, yi rungelwa sikombiso sa makerubhima.

Eksodha 26:31

Ngu msana u na maha m'jiyo wa mxowo wa mkuxe ni wa txiwunguwungu ni wo bhilivila, ngu linyu yo hehuka yo lukelwa, yi mahwa ngu wutxhari ni kurungelwa ngu kutshuriselwa, na wu di ni sifananiso sa makerubhima.

Eksodha 25:18

u na maha makerubhima mambidi a nzalama yo surutetwa, magwito ka txikhalo txa wumbilu.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Mtuletelo 19:8

Txi ningilwe kuambala nkhatxwa wo basa wa linya yo khetima, yi ya lisima.” Nguko nkhatxwa wuwa wa linya wu kombisa mithumo yo lulama ya vasawuleki.

Vahebheru 9:9

Totshe tiya njikombiso txa tile ti mahwako ka masiku a nyamsi: Vathu va mahako miningelo ni timhamba, asi si sikotiko kubasisa mbilu ya wule a phaxako.

Vahebheru 8:2

Ene i mthumeli wa wukhalo wo Sawuleka wa ditenda da ditshuri, di di nga akwa ngu Mkoma, i si nga ngu m'thu.

Johani 2:21

Aniko ene a ti ti womba ngu dithepele da mmidi wakwe.

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

1 Makronika 21:29

Nguko ditenda da Mkoma, dile Mosi a nga gwimba txiwulani, ni txiluvelo txa mphaxo wa kuhiswa, ka yona mbimo yile, si ti ti mmangoni ka Gibheyoni.

1 Makronika 17:1

Se ku to maheka taku, ngako Dhavhidha a di zumbile nyumbani kwakwe, a to gela mprofeti Nathani, a txi khene: Wona taku, ni zumba mu ka nyumba yo akwa ngu mikedhari, kambe dibhokiso da txitumelelano txa Mkoma, di zumba ditendani.

Eksodha 40:2

“Ka ditshiku do khata da mtxima wo khata, u na aka nyumba ya ditenda da msengeletano.

Eksodha 35:35

a va ningile wutxhari wo maha totshe tixaka ta mithumo ya kuwumba ni ya kuvata; ya kurunga ko tshurisela aha ka tinguwo ta mkungu, ni to bhilivila, ni ta mkuxe ni ta linyu, kasiku va txi ziva kumaha mithumo yotshe ni kutumbula yimwani.

Eksodha 35:6

tinguwo ta mkungu, ni txiwunguwungu, ni to bhilivila, ni linyu yo tshura, ni matoya a tiphongo;

Eksodha 25:8

Va na ni mahele nyumba yo sawuleka, kasiku ani ni sikota kuzumba hagari kwawe.

Eksodha 25:4

nguwo ya mkuxe ni yo bhilivila, nguwo yo bhilivila ngutu, ni yo hehuka ya disilika ni ya matoya a phongo,

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Eksodha 26:2

Kulapha ka m'jiyo wumwewo ku nava ka magumi mambidi ni mtxhanu wa mikono ni yiraru, se kuanama ka m'jiyo wumwewo ku nava ka mune wa mikono; yotshe mijiyo yiya, yi na va ya lipimo limwelo.

Eksodha 35:11

Nyumba yo sawuleka, ni ditenda da kona, sitshulelo sa kona, masinda a kona, mapulango a kona, sipambiyeto sa kona, tiphande ta kona ni sihiketelo sa kona;

Mitengo 3:25

Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano.

2 Samuwele 7:2

mfumeli a to khene ka mprofeti Nathani: Wona, ani ni zumba ka nyumba yo akwa ngu tiphande ta mikedhari, kambe dibhokiso da Txizimu di zumba mndani ka mijiyo.

Eksodha 31:7

Ditenda da msengeletano, dibhokiso da txitumelelano, txikhalo txa wuxinji txi ku ngu txitimwi ka dona ni ka sotshe simaha sa ditenda;

Eksodha 39:3

Nzalama yi to tshulwa yi txi maha tibhande to hehuka, ti bhandiselwa ti txi songa, kasi kukoteka kulukwa ka nguwo yo hehuka ya mkungu, ya txiwunguwungu ni yo bhilivila, ni ka linyu ya lisima, ku txi rungelwa ngu kutshuriselwa ka wutxhari.

Mitengo 4:25

Vona va na rwala mijiyo ya dithepele, ni ditenda da msengeletano, ni sibhiyo sa madhowo a matxalu, ale ma ku txitimwi ka dona, ni m'jiyo wa ditimba da ditenda da msengeletano,

1 Vafumeli 6:29

Se otshe maseta a nyumba ngu hahanze a to ma bombisa ngu kukenyela ni sifananiso sa ku nga ova makerubhima, ni sa mitxhese, ni sa siluva so tuleka, ngu nyumbani ni hahanze.