Eksodha 25:9 - Bhiblia Yo Sawuleka

⁹ Mi na maha nyumba ni sotshe simaha sa kona nga ti ni no kukombisa ngu mfananiso wa kona.”

Eksodha 25:9 Referans Kwoze

Eksodha 25:40

Wonisisa koko, u maha madingano ni zumbelo ya kona nga tona ti u nga kombwa tona mmangoni.

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

Vahebheru 9:9

Totshe tiya njikombiso txa tile ti mahwako ka masiku a nyamsi: Vathu va mahako miningelo ni timhamba, asi si sikotiko kubasisa mbilu ya wule a phaxako.

Vahebheru 8:2

Ene i mthumeli wa wukhalo wo Sawuleka wa ditenda da ditshuri, di di nga akwa ngu Mkoma, i si nga ngu m'thu.

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Eksodha 26:30

Sekoko u na gwimbisa toneto ditenda, nga ti ni nga ku kombisisa tona ka wona mmango wuwa.

Mitengo 8:4

Se phande ya malambu yi ti ti mahilwe ngu nzalama yo tshulwa kala ha ka txikazelo, ni ka siluva sa kona; ni sona i ti sa nzalama yo tshulwa, madingano ni kuleleta ka Mkoma ka Mosi; phande ya malambu yi mahisilwe toneto.

Eksodha 39:32

Ngu toneto, mthumo wotshe wa kuaka ditenda do sawuleka ni ditenda da msengeletano wu to hoka magwito. Vanana va ka Israyeli va mahile totshe nga tonti Mkoma a nga leletelisa tona ka Mosi.

Eksodha 39:42

Vanana va ka Israyeli va mahile yotshe mithumo, ngu kulondeta totshe ti Mkoma a nga ti leleta ka Mosi

Eksodha 39:43

Mosi a to xolisisa wotshe mthumo, e wona ti to wu mahilwe ngu kulondeta totshe ti Mkoma a nga leleta tona; sekoko Mosi a to va katekisa.

Mitengo 4:12

Msana keto, va na teka sotshe simaha si si thumiswako aha ka wukhalo wo sawuleka, ve si veka aha ka nguwo yo bhilivila, se va txi si fenengeta ngu txifenengeto txa didhowo do hehuka, ve si veka txitimwi ka sikhongwani.