Eksodha 25:8 - Bhiblia Yo Sawuleka

⁸ Va na ni mahele nyumba yo sawuleka, kasiku ani ni sikota kuzumba hagari kwawe.

Eksodha 25:8 Referans Kwoze

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

1 Vafumeli 6:13

se ni na zumba hagari ka vanana va ka Israyeli kambe kha ni na mbi leka vathu vangu va Israyeli.

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Zakariya 2:10

Tsaka, u tsakisisa, awe dihorana da Siyoni, nguko wona taku nata, ni nata aka hagari kwako. Kuwomba Mkoma.

Vahebheru 3:6

Aniko Kristu, a thembekile kota Mwanana, nyumbani ka txona Txizimu. Se Nyumba ya Txizimu ngu ngathu, ngako hi txi vekisa kutsana ko hetiseka ni kuthemba ko tsakisa.

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Mitengo 5:3

Humisani vavamna ni vavasikati mi txi va veka hahanze ka wugovelo. A ti to vanana va ka Israyeli va si nzambwiswi ka wugovelo wawe, vale ni zumbako hagari kwawe.”

Levhi 21:12

A nga hume mu nyumbani ko sawuleka, kasiku asi nyenyezisi nyumba yo sawuleka ya Txizimu txakwe, nguko mafura o katekiswa ngu Txizimu txakwe, wu di thetwe ha msungo kwakwe. Ani ngani Mkoma .

Levhi 4:6

se mphaxeli a na beta litiho mu ka mnoha, e xwayela ngu wona mtxhanu wa sikhati ni simbidi, masoni ka Mkoma, masoni ka m'jiyo wa wukhalo sawuleka.

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Levhi 10:4

Se Mosi a to dhana Misayeli ni Elisafani, vanana va Uziyeli, tatanyani wa Aroni, a txi khene kwawe: Ngonani, thavisani maxaka anu masoni ka wukhalo wo sawuleka, mi va yisa hahanze ka wugovelo.

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

Eksodha 29:46

Se va na ziva ti to ani Mkoma, ni Txizimu txawe, ani ni nga va humisa ditikoni ka Egipta, kasiku ni ta zumba hagari kwawe, ani, Mkoma, Txizimu txawe.

Levhi 26:11

Ni na aka nyumba yangu hagari kwanu, ni moya wangu kha wu na mbi hambana ni nanu.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Joxuwa 22:31

Koneko Finiyasi mwana Eleyazari, mphaxeli, a to womba ka vanana va ka Rubheni, ni ka vanana va ka Gadhi, ni ka vanana va ka Manasi, a txi khene: “Se ha tiziva nyamsi ti to Mkoma a hagari kwathu, nguko anu kha maonhela Mkoma ngu mhakeyo, aniko, mi hulukisile vanana va ka Israyeli ka txitsayiso txa Mkoma.”

Eksodha 15:17

Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

1 Makronika 22:19

Konkuwa koko, lavani Mkoma, Txizimu txanu ngu mbilu yanu ni mhefemulo wanu; khukhani mi aka wusawuleko wa Mkoma Txizimu, kasi ku dibhokiso da txitumelelano txa Mkoma, ni siya so sawuleka sa Txizimu, si na tiswa ka nyumba yiya, yi yi no akwa ngu ditina da Mkoma.

Ezekhiyele 37:26

Ni na maha navo txitumelelano txa kuthutha; i nava txitumelelano txa kwa mbi gwita; ni na va tsanisa ni va andisa, ni veka nyumba yangu yo sawuleka hagari kwawe yotshe mbimo.

Ezekhiyele 37:28

Se matiko ma na tiziva taku ani ngani Mkoma, ni sawulekisako Israyeli, mbimo yile nyumba yangu yo sawuleka yi no maneka hagari kwawe, yotshe mbimo.

Ezekhiyele 43:7

a txi ta khene kwangu: Awe mwanana wa m'thu, awuwa mbukhalo wangu wa wukoma, aho mikondo yangu yi kandako kona, ni na zumba kona hagari ka vanana va ka Israyeli kala kupinduka; kambe va nyumba ya ka Israyeli, kha va na mbi ngadi ve nyenyezisa ditina dangu do sawuleka, vona, hambi vafumeli vawe, ni wugelegele wawe, ni sirumbi sa vafumeli vawe, siluveloni kwawe.