Eksodha 25:40 - Bhiblia Yo Sawuleka

⁴⁰ Wonisisa koko, u maha madingano ni zumbelo ya kona nga tona ti u nga kombwa tona mmangoni.

Eksodha 25:40 Referans Kwoze

Vahebheru 8:5

Aniko, mthumo wa kukhozela kwakwe njifananiso ni mtsudi wa si si ku nzumani, madingano ni kuleleta ka Txizimu, ku ku nga amukelwa ngu Mosi, kasiku e aka ditenda, nguko a getwe ku: “Kulaveka ku u txi wona, kasiku u maha totshe madingano ni ti u nga geliswa tona mmangoni.”

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

Eksodha 26:30

Sekoko u na gwimbisa toneto ditenda, nga ti ni nga ku kombisisa tona ka wona mmango wuwa.

Mitengo 8:4

Se phande ya malambu yi ti ti mahilwe ngu nzalama yo tshulwa kala ha ka txikazelo, ni ka siluva sa kona; ni sona i ti sa nzalama yo tshulwa, madingano ni kuleleta ka Mkoma ka Mosi; phande ya malambu yi mahisilwe toneto.

Eksodha 25:9

Mi na maha nyumba ni sotshe simaha sa kona nga ti ni no kukombisa ngu mfananiso wa kona.”

1 Makronika 28:19

Totshe tiya, Dhavhidha a to khene: Va to ni ninga ngu mibhalo, ngu kuruma ka Mkoma, i ku tiya, yotshe mithumo ya txikombiso txiya.

1 Makronika 28:11

Se Dhavhidha a to ninga mwanakwe Solomoni, txikombiso txa m'hube ni txa tinyumba timwani ta dona, ni txa tinyumba ta tithomba, ni txa nyumba yo khongela ka yona, ni sibhiya sa kona sa nyumbani, ni txa wukhalo wo sawuleka ngutu.

Eksodha 25:39

Ngu talenta ya nzalama ya yinene ngutu ku na mahwa meza ya malambu ni sotshe simaheso.

Eksodha 27:8

Txiluvelo txi na va i di txa mapulango, txa diphanga ngu mndani, nga tonti ni nga ku kombisisa tona mmangoni, u na mahisa toneto.”

Eksodha 31:11

mafura o tota ni dibaselo do bhumula da wukhalo wo sawuleka. Va na maha yotshe mithetho nga tonti ni nga kuleletelisa tona.”

Eksodha 36:2

Mosi a to dhana Bhezaleli ni Oholiyabhe ni votshe vathu va wutxhari avale Mkoma a nga va ninga wuzivi, votshe avale timbilu tawe ti nga va ruma ti to ve ti ningetetela amu ko maha yotshe mithumo.

Joxuwa 22:28

Ngu toneto, hi pimisile, hi txi khathu: Ngako dimwani ditshiku va txi ta womba kwathu toneto, mwendo ka vanana vathu, hi nata xamula hi txi khathu: “Wonani wufakazi wa txiluvelo txa Mkoma, awuwa vatate vathu va nga mmahela timhamba to hiswa, mwendo yihi ni yihi yimwani mihingano, aniko mbufakazi hagari kwathu ni nanu.”

2 Makronika 4:7

A to maha kambe digumi da siphande sa nzalama, e si veka dithepelani, mtxhanu ka didhawa da txinene, ni mtxhanu ka didhawa da txibhabha.