Eksodha 25:37 - Bhiblia Yo Sawuleka

³⁷ U na yi mahela mtxhanu wa malambu ni mambidi, ale ma no turiselwa, me woninga masoni ka wona.

Eksodha 25:37 Referans Kwoze

Mitengo 8:2

Gela Aroni u txi khawe: Mbimo yi u vekako malambu ha phandeni, veka mtxhanu wa malambu ni mambidi, kasi kuwoningeta ka didhawa da masoni ka phande ya malambu.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

Mtuletelo 1:12

Ni to tshembereka kasi kuwona wule a nga womba-womba ni nani, se, ni di tshemberekile, ni to wona mtxhanu wa sipande ni simbidi sa nzalama, so zomeka ka sona makhanjela.

Zakariya 4:2

Yi txi ni gela ku kha yona: U wona txani kani? Se ani ni ti khani: Ni txi wona, no wona txipande txo mahwa ngu nzalama dwe, txitimwi ka txona ku di ni txiya txo thela kona mtona, ni mtxhanu wa malambu ni mambidi, se dilambu dimwedo ni dimwedo di ti ti ni mtxhanu wa mipofu ni yimbidi.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Mtuletelo 22:5

Kha ku na mbiswa ku di ni wusiku; ni wammweyo kha na mbiswa e lava kuwoninga ka dilambu, hambi kuwoninga ka ditambo, nguko Mkoma Txizimu a na va woninga, se vona va na fuma ngu ha ku si gumiko.

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Mtuletelo 1:4

Ani Johani ni bhalela mabanza a mtxhanu ni mambidi ma ku Asiya: Kwanu na mi navelela makatekwa ni kudikha, si txi huma ngu ka wule a kuho, awule a nga ti ho, awule a tako, si txi huma ngu ka mtxhanu wa mimoya ni yimbidi yi ku masoni ka txikhalo txakwe txa wukoma,

Mithumo 26:18

Kasi kuya tula maso awe ni ku va humisa mtemani, ve wuya livaningoni, ni ku va humisa nfumoni ka Sathani, ve wuya ka Txizimu, kasiku ve amukela divalelo ya sionho, ni kuavelwa thomba kumweko ni vasawuleki ngu kukholwa ditinani kwangu.’ ”

Johani 12:5

“Ngu kutxani mafura awa ma nga mbi xaviswa ngu mazana mararu a madhenari, me ningwa sikulungu, kani?”

Johani 8:12

Jesu a to tshumela a txi womba-womba ni vathu, a txi va gela ku khene: “Ani ni liwoningo la ditiko. Awu a ni londisako, kha tsimbili txidemani, kambe a na va ni kuwonekela ka wutomi.”

Johani 1:9

Dipswi i ti liwoningo la ditshuri, aliya li woningako votshe vathu, li txi ta ha mafuni.

Luka 1:79

ku ta woninga ava va manekako mtemani ni mtsudini ka lifo, ni ku hi tsimbilisa ngu nzila ya kudikha.”

Matewu 5:14

“Anu mi liwoningo ka ditiko. Kha di sikoti kusisala didhoropa di di ku txitimwi ka mmango.

Isaya 8:20

Amu ka mlayo ni mu ka wufakazi! Ngako va si wombi dipswi diya, kha va na mbi dhuka ve wona wuronga.

Mavingu 6:23

Nguko txirumo ndilambu, se mlayo liwoningo, kambe kukawuka ko lulamisa i nzila ya wutomi,

Masalmo 119:105

Dipswi dako i liwoningo la mikondo yangu, dilambu da nzila yangu.

Eksodha 40:24

A vekile phande ya malambu amu ka ditenda da msengeletano, masoni ka meza, ngu didhawa da wulambwe ka ditenda da msengeletano,

Eksodha 37:23

A to maha malambu a kona a mtxhanu ni mambidi; situriso ni sitimo sa kona, sotshe i ti sa nzalama ya yinene.

Eksodha 30:8

Mbimo yile Aroni a turisako malambu, ni minova a na hisa dibaselo e di tuvikisela. Ku nava dibaselo da mbimo yotshe masoni ka Mkoma, ka totshe tiveleko tanu.

Eksodha 25:38

Sipfhupetiso sa kona ni tikhadi ta kona si na va i di sa nzalama ya yinene ngutu.

Eksodha 40:25

se a to txhatxhameta malambu e ma turisa masoni ka Mkoma, nga tonti Mkoma a nga leletisa tona ka Mosi.

Mitengo 4:9

Sekoko ve teka nguwo ya mkuxe, ve fenengeta ngu yona phande ya malambu, ni malambu a kona, ni so tima ngu sona, ni sotshe simaha sa mafura ma thumiswako ka mithumo ya kona.

2 Makronika 4:20

ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo.