Eksodha 25:31 - Bhiblia Yo Sawuleka

³¹ Kambe u na maha meza ya malambu ngu nzalama yo surutetwa. Hahatshi ka meza ni txitimwi ka yona, ku nava ku di mahilwe kumweko; magombe a kona, siluva sa kona ni mazokoro a kona, si na va i di tximaha tximwetxo.

Eksodha 25:31 Referans Kwoze

Zakariya 4:2

Yi txi ni gela ku kha yona: U wona txani kani? Se ani ni ti khani: Ni txi wona, no wona txipande txo mahwa ngu nzalama dwe, txitimwi ka txona ku di ni txiya txo thela kona mtona, ni mtxhanu wa malambu ni mambidi, se dilambu dimwedo ni dimwedo di ti ti ni mtxhanu wa mipofu ni yimbidi.

1 Vafumeli 7:49

ni sipande, mtxhanu txinene, ni mtxhanu txibhabha, masoni ka txiluvelo txa nzalama yo hehuka ngutu; ni siluva, ni malambu, ni siñolo, sa nzalama ni sona,

Mtuletelo 1:12

Ni to tshembereka kasi kuwona wule a nga womba-womba ni nani, se, ni di tshemberekile, ni to wona mtxhanu wa sipande ni simbidi sa nzalama, so zomeka ka sona makhanjela.

Vahebheru 9:2

Nguko, ku akilwe ditenda: Ditenda do khata di dhanwako ku wukhalo wo sawuleka, amuwa ku nga ti vekilwe dilambu, ni meza ni mapawu a miphaxo.

Mtuletelo 4:5

Ngu ka txikhalo txile txa wukoma, ku ti ti huma kuphatima, mapswi ni singwalangwanda; se masoni ka txikhalo txa wukoma ku ti tura mtxhanu wa misanje ni yimbidi ya mndilo: I ku mimoya ya mtxhanu ni yimbidi ya Txizimu.

Mtuletelo 1:20

Ngu mhaka ya msisalo wa mtxhanu wa tinyeleti ni timbidi, u nga ti wona ka dianza dangu da txinene ni mtxhanu wa sipande ni simbidi, sa nzalama, eto ti womba tiya: Tinyeleti ta mtxhanu ni timbidi, ndingelozi ta mabanza a mtxhanu ni mambidi, ani mtxhanu wa sipande ni simbidi i mabanza a mtxhanu ni mambidi.

2 Makronika 13:11

Mixo ni minova va hisela Mkoma mningelo wo hiswa, ni dibaselo do bhumula, ve veka ni mapawu a mhamba txitimwi ka meza yo basa, ni minova va layitha ni dilambu da nzalama, nguko athu hi xayisa mithumo ya Mkoma Txizimu txathu, atxi anu mi nga txi leka.

1 Vafumeli 7:24

Se ngu hahatshi ka likasa lo ranganyeta, ku ti ti ni sifundo si nga ti ti tsanisa; ngu digumi da mikono li ti ti tsaniswa linene ngu madhawani ka kona; titxhatxha timbidi ta sifundo ti ti bandarisilwe ni Linene la kona.

1 Vafumeli 6:18

Se mkedhari wa nyumbani wu ti vatetwe sa ku nga misungo ni siluva sa kupfepfa; sotshe i ti mikedhari dwe; ku ti si woneki ni da dimwedo dirigwi.

Eksodha 35:14

ni phande ya malambu ni simaha sa yona, ni malambu a kona, ni mtona wa malambu;

Mtuletelo 2:5

Ngu toneto, alakanya ahawa u nga wela kona, hunduluka u txi teka mahanyelo o khata. U si mahi eto, ni na ku tela se, ngako u si hunduluki ni nata thavisa txipande txako txa dikhanjela ha wukhaloni ka txona.

Eksodha 25:34

Aniko meza ya malambu yi na va ni mune wa magombe, o fana ni txiluva txa almonde, siluva sa kona, ni mavhuvhu a kona;

Eksodha 25:36

Siluva so khata kuhuma, ni madhavi, si na va i di tximaha tximwetxo; sotshe si na va txiya tximwetxo, so mahwa ngu nzalama yo surutetwa.

Levhi 24:4

Aroni a fanete kuveka malambu ka txipande txa nzalama ya yinene, atxi txi ku ngu masoni ka Mkoma, yotshe mbimo.

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

Mitengo 4:9

Sekoko ve teka nguwo ya mkuxe, ve fenengeta ngu yona phande ya malambu, ni malambu a kona, ni so tima ngu sona, ni sotshe simaha sa mafura ma thumiswako ka mithumo ya kona.

Mitengo 8:4

Se phande ya malambu yi ti ti mahilwe ngu nzalama yo tshulwa kala ha ka txikazelo, ni ka siluva sa kona; ni sona i ti sa nzalama yo tshulwa, madingano ni kuleleta ka Mkoma ka Mosi; phande ya malambu yi mahisilwe toneto.

1 Samuwele 3:3

Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu,

1 Makronika 28:15

ni kunemela ka tiphande ta nzalama, ni malambu a kona a nzalama, madingano ni kunemela ka phande yimwani ni yimwani, ni malambu a kona; ni tiphande ta silivhela, madingano ni kunemela ka tiphande, ni malambu a kona; ni madingano ni mathumiselo a phande ni phande;

2 Makronika 4:7

A to maha kambe digumi da siphande sa nzalama, e si veka dithepelani, mtxhanu ka didhawa da txinene, ni mtxhanu ka didhawa da txibhabha.

2 Makronika 4:20

ni sipande ni malambu a nzalama yo hehuka ngutu, kasi ku ma txi layithwa madingano ni txi toloveto txawe masoni ka digandelo.

Eksodha 31:8

meza ni siya sa yona, se ni phande ya yinene ya malambu, ni sotshe siya sa yona ni txiluvelo txa dibaselo;

Eksodha 39:37

phande ya nzalama ya yinene ya malambu, ni totshe tiphande ta malambu ti nga lulamiselwa, sotshe simaha sa kona, ni mtona wa malambu;

Mitengo 4:10

Va na veka sotshe siya ka txifenengeto txa didhowo do hehuka, hahatshi, ngu txitimwi ka sikhongwani.

Mitengo 8:1

Se Mkoma a to womba ka Mosi, a txi khene: