Eksodha 25:22 - Bhiblia Yo Sawuleka

²² Se konaho ni nata ni ta womba-womba ni nawe txitimwi ka txikhalo txa wumbilu, ngu hagari ka makerubhima mambidi (ma ku txitimwi ka dibhokiso da Txifakaziso), ka totshe ti ni no kuruma kugela vanana va ka Israyeli.”

Eksodha 25:22 Referans Kwoze

Mitengo 7:89

Se mbimo yile Mosi a nga ti wulela ditendani ka msengeletano, kasi kuya womba-womba ni Mkoma, a ti ti engisela dipswi, di di nga ti womba kwakwe, ngu txitimwi ka txikhalo txa wumbilu, txitimwi ka dibhokiso da Wufakazi, ngu hagari ka makerubhima mambidi; di ti ti wombawombisa tona tiya nayo.

Isaya 37:16

O Mkoma wa Mabutho a Tiyimbi, Txizimu txa ka Israyeli, awe u zumbako hagari ka Makerubhima; ngawe u ku Txizimu, awe wekha, ka yotshe mifumo ya ha mafuni; awe u vangile nzuma ni mafu.

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

2 Vafumeli 19:15

A to khongela masoni ka Mkoma a txi khene: Awe Mkoma, Txizimu txa ka Israyeli, u zumbako hagari ka Makerubhima, awe upune ngawe wekha u ku Txizimu txa yotshe mifumo ya ha mafuni; awe u vangile tinzuma ni mafu.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Masalmo 99:1

Mkoma wa fuma; ma na dhudhumele matiko. Ene a khalahatshile txitimwi ka makerubhima. Mafu ma na dekadeka!

2 Samuwele 6:2

Se Dhavhidha a to khukha e tsula ni votshe vathu vale a nga ti navo, va Bhahala ka Judha, kasi kuguleta dibhokiso da Txizimu, di di dhanwako ngu Ditina, ditina da Mkoma wa Mabutho a Tiyimbi, di zumbako hagari ka makerubhima.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 30:6

U na veka txiluvelo masoni ka m'jiyo awule wu ku ngu masoni ka dibhokiso da txitumelelano, masoni ka txikhalo txa wuxinji atxi txi ku txitimwi ka wufakazi, ahale ni nota manana kona ni nawe.

Valamuli 20:27

Se vanana va ka Israyeli va to wotisa ka Mkoma (ngako dibhokiso da txitumelelano txa Txizimu di nga ti ti ho koneho ka masiku ale;

Masalmo 90:1

Mkoma, awe u wuthavelo wathu ka liveleko ni liveleko.

Levhi 1:1

Se Mkoma a to dhana Mosi, a txi womba-womba nayo amu ka ditenda da msengeletano, a txi khene:

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

Genesisi 18:33

Mkoma, ngako a di gwitile kuwombawomba ni Abrahamu, a to khukha e tsula, se Abrahamu a tshumete a txi wuya m'tini kwakwe.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

1 Makronika 13:6

Sekoko Dhavhidha ni votshe va ka Israyeli, va to kwelela Bhahala veya Kiriyate-Jeyakimi, ku manekako Judha, kasi ku ya guleta dibhokiso da Txizimu, Mkoma wu a zumbako hagari ka makerubhima, aha txitimwi ka dona kudhanwako ditina dakwe.

Masalmo 80:2

Komba wuhombe wako ka tihunzu ta Efrayime, Bhenjamini ni Manasi! Wuka u txi ta hi hanyisa ngu mtamo wako!

Ezekhiyele 43:6

Kambe ni to pfa dipswi di nga ni angula ngu mndani ka dithepele; se wamwamna wokari a to ta hafuhi ni nani,