Eksodha 25:20 - Bhiblia Yo Sawuleka

²⁰ Makerubhima ma nava ni mabhapi o nawulukela txitimwi, aale ma no vhikela txikhalo txa wumbilu, ngu mabhapi a ona, ma di rendekelanile dimwani ni dimwani.

Eksodha 25:20 Referans Kwoze

1 Makronika 28:18

ni ka txiluvelo txa dibaselo, nzalama yo basiswa ngu mpimo wa yona, a to mninga kambe nzalama ya txikombiso txa txikotxikani, txa makerubhima awa ma nga nawulutwa mabhapi a ona me fenengeta dibhokiso da txitumelelano txa Mkoma.

1 Vafumeli 8:7

Nguko makerubhima ma ti gwimba tibhapi ta ona tatimbidi txitimwi ka dibhokiso, ma txi fenengeta dibhokiso, ni minaneko ya kona ngu txitimwi.

Vahebheru 9:5

Ngu txitimwi ka mtundu ku ti ni sivangwa so hanya si dhanwako ku makerubhima, asi si nga ti kombisa wudhumo wa Txizimu, si txi fenengeta txikhalo txa wumbilu ngu mtsudi wa sona. Aniko, kha hi nga ni mbimo ya kuxawutela sotshe tximwetxo ngu tximwetxo.

1 Pedro 3:22

wu a nga kwela nzumani, eya zumba txineneni ka Txizimu, ahawa a nga ningwa kufuma tingelozi, vathangeli ni mitamo.

1 Pedro 1:12

Txizimu txi kombisile ka vaprofeti vava ti to i ti si nga so lumba vona, aniko si ti mahelwa anu, simaha siya mi ziviswako konkuwa ngu vale va mi txhumayelako Evhangeli ngu mtamo wa Moya wo Sawuleka, wu wu nga rumelwa ngu nzumani, i ku sikombiso si tingelozi tipune ti navelako ku si wona.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Vakolosa 2:10

se anu mi mani kuhetiseka ko tala kwakwe Kristu, i ku Msungo wa sotshe si si ku ni wunduna ni kufuma;

Vaefesu 3:10

kasiku wu txi ziviswa konkuwa ka mimoya ya wuthangeli ni ya wukoma wa madhawa a nzumani, ngu kona hawa ka mthumo wa Dibanza, wutxhari wa tixaka to tala wa Txizimu,

1 Vakorinto 11:10

Ngu toneto, wamsikati a na ambale ha msungo kwakwe txikombiso txa kutiveka hahatshi, ngu mhaka ya tingelozi.

1 Vakorinto 4:9

Kha ditshuri, Txizimu ngu nga txi to hi veka athu, vapostoli, ka wukhalo wa magwito, kota nga vo abaniselwa kufa, nguko ngu ditshuri hi mahilwe msaho wa kuhungata ditiko ni tingelozi ni vathu.

Johani 1:51

A to engeta a txi khene: “Ngu ditshuri, ngu ditshuri, na mi gela ku khani: Kukhukhela konkuwa, mi na wona nzuma yi di tulekile, ni tingelozi ta Txizimu na ti txi kwela, ti va ti txhika txitimwi ka Mwanana wa M'thu.”

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Ezekhiyele 28:14

U ti ti dikerubhima do totwa kasi kuvhikela, kambe ni kuvekile; u ti ti mmangoni ko sawuleka ka Txizimu, u ti ti tsimbila hagari ka marigwi o phatimisa ku nga mndilo.

Ezekhiyele 1:20

Amu wu nga ti ti ya kona Moya, ma ti ti ya koneyo; nguko Moya wu ti ti ma kurumeta; se madangarita ma ti ti guleka masoni ka sona, nguko Moya wa kuvangwa ka so hanya, wu ti ti mu ka madangarita.

2 Makronika 3:10

A to maha kambe makerubhima mambidi Nyumbani ko Sawuleka ngutu, ema bhama ngu nzalama.

Eksodha 25:18

u na maha makerubhima mambidi a nzalama yo surutetwa, magwito ka txikhalo txa wumbilu.

Genesisi 28:12

Se a to lora a txi wona dinera di nga emiswa ha mafuni, di txi ya khigetela nzumani, ngu tshokani ka dona, se tingelozi ta Txizimu ti txi kwela ni kutxhika ngu dona.

Eksodha 25:19

U na maha dikerubhima magwito ka didhawa dimwedo, ni dimwani dikerubhima magwito ka dimwani didhawa; ngu txiya tximwetxo dwe ni txikhalo txa wumbilu, u na maha makerubhima ka tikasa timbidi ta txikhalo.

1 Vafumeli 6:27

Makerubhima awa a to ma veka hagari ka nyumba ya mndani; se makerubhima ma ti nawuluta tibhapi ta ona, ngu nzila yo libhapi la dikerubhima dimwedo li ti ti gwesa diseta, se libhapi la dimwani dikerubhima li ti ti gwesa dimwani diseta, se tibhapi timwani ti txi gwesana ngu titshoka.

1 Vafumeli 6:23

Se, nyumbani ka siprofeto, a to maha makerubhima mambidi a mapulango a muolivha, dimwedo ni dimwedo da kudembaka digumi da mikono.