Eksodha 25:2 - Bhiblia Yo Sawuleka

² “Gela vanana va ka Israyeli va txi tisa msengo. Ni na amukela msengo wa m'thu ni m'thu awu mbilu yakwe yi rumako ku ti maha.

Eksodha 25:2 Referans Kwoze

2 Vakorinto 9:7

M'thu a na ningele kota nga ti a xuvisako tona mbiluni kwakwe, asi karateki mwendo kukurumetwa, nguko Txizimu txi randa awu a ningelako ngu litsako.

Ezra 2:68

Se vamwevo va vathangeli ka vatate vawe, va tile Nyumbani ka Txizimu, kona Jerusalema, ve tisa siningo ngu kuranda kwawe, kasi ku yi tsanisa ka wukhalo wa yona.

Nehemiya 11:2

Se ditiko di to katekisa votshe vathu va va nga ti ningeta ngu kuranda kwawe kuya zumba Jerusalema.

Ezra 7:16

Kumweko ni silivhela ni nzalama mi nga yi manako ka dotshe ditiko da Bhabhilona, ni sile vathu ni vaphaxeli va nga ningako, ngu kuranda kwawe, Nyumbani ka Txizimu txawe, txi txi zumbako Jerusalema.

Ezra 1:6

Se votshe vale va zumbako madhawani kwawe va to va vhuna ngu siya sa silivhela ni sa nzalama, ni siya, sifuyo, ni simwani so tshura, ni sotshe sile si nga ningwa ngu lidhundo.

Ezra 3:5

se msana keto, kusimama mphaxo wo hiswa, ni yile ya kumeka ka mtxima, ni ya yotshe mipipi yo sawuleka ka Mkoma, hambi ya ni wuhi a nga ningela ka Mkoma, ngu kuranda kwakwe.

Masalmo 110:3

Vathu vako va nata kwako ngu kutsaka, ngako u txi xoma matxhari a kuya yimbini. Mazambi ma nata kwako ma di ambate syambalo sa bombo, nga txiandela txa mixo.

Valamuli 5:9

Mbilu yangu yi bonga vathangeli va ka Israyeli, a vale va nga ti ningela ngu kuranda kwawe kasi kuthumela ditiko. Dhumisani Mkoma!

Mitengo 18:24

Nguko sawugumi, asi vanana va ka Israyeli va ningelako ka Mkoma, ni si ningete ka va ka Levhi, si txi maha thomba yawe. Ngu konaho, ni wombile ti to kha va na mbi va ni thomba yimwani, hahanze ka vanana va ka Israyeli.

Eksodha 25:1

Sekoko Mkoma a to womba ka Mosi, a txi khene:

Eksodha 25:3

Ngu wuwa msengo ni no amukela kwawe: Nzalama, silivhela ni koporo,