Eksodha 25:18 - Bhiblia Yo Sawuleka

¹⁸ u na maha makerubhima mambidi a nzalama yo surutetwa, magwito ka txikhalo txa wumbilu.

Eksodha 25:18 Referans Kwoze

Vahebheru 9:5

Ngu txitimwi ka mtundu ku ti ni sivangwa so hanya si dhanwako ku makerubhima, asi si nga ti kombisa wudhumo wa Txizimu, si txi fenengeta txikhalo txa wumbilu ngu mtsudi wa sona. Aniko, kha hi nga ni mbimo ya kuxawutela sotshe tximwetxo ngu tximwetxo.

Ezekhiyele 10:20

Asiya ngu sona sihari si ni nga si wona hahatshi ka Txizimu txa Israyeli, hafuhi ni mnambo wa Kebhari, se ni si zivile taku i ti ti makerubhima.

Ezekhiyele 10:2

Se a to womba ka wamwamna wule wo ambala sa linyu, a txi khene: Pinda ngu hagari ka madangarita, kala hahatshi ka dikerubhima, u tata manza ngu makala o tura hagari ka makerubhima, se maxwaye didhoropani. Se ene a to wulela ni txi muwona.

1 Makronika 28:18

ni ka txiluvelo txa dibaselo, nzalama yo basiswa ngu mpimo wa yona, a to mninga kambe nzalama ya txikombiso txa txikotxikani, txa makerubhima awa ma nga nawulutwa mabhapi a ona me fenengeta dibhokiso da txitumelelano txa Mkoma.

1 Samuwele 4:4

Sekoko ku to rumelwa vathu vo ya Silo, veya teka dibhokiso da txitumelelano txa Mkoma wa Mabutho a Tiyimbi, di di zumbako hagari ka makerubhima; aniko vanana vambidi va Eli, i ku Hofini ni Finiyasi, va ti koneho ni dibhokiso da txitumelelano txa Txizimu.

Genesisi 3:24

Se Txizimu txi di tshotshile Adhamu hahanze ka thembwe ya Edheni, txi to veka makerubhima ni ditxhari do tura, di nga txi ndiwitelwa khe ni khe, kasi kutsimbisela nzila ya mndonga wa wutomi.

Eksodha 25:17

U na maha kambe txikhalo txa wumbilu txa nzalama ya yinene, txa kulapha ka mikono yimbidi ni hafu, ni mkono wumwewo ni hafu kuanama ka txona,

Eksodha 25:19

U na maha dikerubhima magwito ka didhawa dimwedo, ni dimwani dikerubhima magwito ka dimwani didhawa; ngu txiya tximwetxo dwe ni txikhalo txa wumbilu, u na maha makerubhima ka tikasa timbidi ta txikhalo.

2 Makronika 3:10

A to maha kambe makerubhima mambidi Nyumbani ko Sawuleka ngutu, ema bhama ngu nzalama.

Eksodha 25:36

Siluva so khata kuhuma, ni madhavi, si na va i di tximaha tximwetxo; sotshe si na va txiya tximwetxo, so mahwa ngu nzalama yo surutetwa.

Ezekhiyele 10:3

Kambe makerubhima ma ti ti ka didhawa da txinene da nyumba, mbimo yile a nga wulela awule wa wamwamna; direfu dokari di to tata muhubhe wotshe.