Eksodha 25:16 - Bhiblia Yo Sawuleka

¹⁶ Msana keto, u na veka Txifakaziso txi ni no kuninga aha ka dibhokiso.

Eksodha 25:16 Referans Kwoze

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

Dhewuteronome 31:26

“Amukelani dibhuku diya da Mlayo, mi txi di veka hafuhi ni dibhokiso da txitumelelano txa Mkoma, Txizimu txanu, di na maha fakazi masoni kwanu.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 16:34

Nga ti Mkoma a nga leletisa tona ka Mosi, Aroni a to veka txikadyana masoni ka dibhokiso da txixambanyo, ti to txi txi veketwa.

Varoma 3:2

Kasi wukwera wu vhuna txani? Wa vhuna ngutu ngu otshe madhawa. Mhaka yo khata ngu kuwa sithembiso sa Txizimu si nga vekwa manzani kwawe.

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

2 Vafumeli 11:12

Se Joyadha a to humisa Jowasi, mwanana wa mfumeli, e msanzeka m'bhoti, ni dibhuku da milayo, va to mfumisa, ve mtota, va txi bhabhwatela manza, na va txi kha vona: A na hanye mfumeli!

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.

Eksodha 34:29

Se ku to maheka taku, Mosi e relela ngu mmangoni ka Sinayi a di ñote manzani sileti sa simbidi sa mlayo. Mosi asi ti zivi ti to khohe yakwe ya phatima, msana ka kuva a di wombawombile ni Mkoma.

Eksodha 32:15

Se Mosi a to wuya a txi relela ngu mmangoni a di ni sileti sa simbidi sa milayo amu manzani kwakwe, sileti si si nga bhalwa ka madhawa otshe a mambidi: Si ti bhatwe ka dimwani didhawa ni ka dimwani didhawa.

Eksodha 31:18

Se a to ningela ka Mosi (a di gwitile kuwombawomba nayo mmangoni ka Sinayi) sileti simbidi sa Wufakazi, sileti sa marigwi, so bhalwa ngu litiho la Txizimu.

Eksodha 30:36

u na kuya di txi maha lifenyenye u txi di veka masoni ka ditenda da msengeletano, ahale ni no ya manana kona ni nawe. Txingema txiya, kwanu, txi na va i di txingema txo sawuleka ngutu.

Eksodha 30:6

U na veka txiluvelo masoni ka m'jiyo awule wu ku ngu masoni ka dibhokiso da txitumelelano, masoni ka txikhalo txa wuxinji atxi txi ku txitimwi ka wufakazi, ahale ni nota manana kona ni nawe.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Eksodha 25:21

U na sanzeka txikhalo txa wumbilu txitimwi ka dibhokiso, ngu mndani ka dona u na veka Txixambanyo txi ni no kuninga.

Eksodha 26:33

U na hayeka m'jiyo ngu hahatshi ka siparako, kambe ngu hagari ka kona, mndani ka m'jiyo u na veka dibhokiso da wufakazi. M'jiyo wu na komba m'hingano ka wukhalo wo sawuleka ni wukhalo wo sawuleka ngutu.

Eksodha 40:20

A to teka wufakazi a txi wu wuletisa amu ka dibhokiso, a to veka sikhongwani aha ka dibhokiso, a txi veka txikhalo txa wuxinji, txitimwi ka dibhokiso .

Joxuwa 4:16

“Gela vaphaxeli, ava va rwalako dibhokiso da Wufakazi, va txi huma mnamboni ka Jordhani.”

2 Makronika 23:11

Sekoko va to humisa mwanana wa mfumeli hahanze, ve msanzeka m'bhoti, ve mninga ni dibhuku da mlayo, ve mmaha mfumeli; se Joyadha ni vanana vakwe va to mtota mafura, va txi kha vona: A na hanye mfumeli!