Eksodha 25:11 - Bhiblia Yo Sawuleka

¹¹ Se u wu bhama ngu nzalama ya yinene mndani ni hahanze, txitimwi ka yona ka madhawa otshe u na maha ngu nzalama ya yinene, ngu kurendelekisa;

Eksodha 25:11 Referans Kwoze

Eksodha 25:24

U na yi bhama ngu nzalama ya yinene, u txi yi bhama ngu kurendelekisa ngu nzalama ya yinene.

2 Makronika 3:4

Se m'hubhe wu wu nga ti ti masoni madingano ni kuanama ka nyumba wu ti ni mpimo wuwa: Kulapha magumi mambidi a mikono, ni kudemba ka 120, awu mndani ka wona ku nga ti bhamilwe ngu nzalama ya yinene ngutu.

1 Vafumeli 6:20

Se nyumba ya siprofeto ngu mndani i ti ti ya magumi mambidi a mikono kulapha, magumi mambidi a mikono kuanama, ni magumi mambidi a mikono kudemba; a to yi tshurisela ngu nzalama yo ya yinene, se e tshulela txiluvelo ngu mkedhari.

Eksodha 30:3

U na bhama ngu nzalama ya yinene ka didhawa da txitimwi, madhawa otshe ngu kurendelekisa, ni titxheho; kambe u txi mahela mkhwazi wa nzalama ngu kurendelekisa.

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Eksodha 25:12

se u na khanda mune wa masinda a nzalama, aale u no ma veka ka mune wa makhona; mambidi ka didhawa dimwedo ni mambidi ka dimwani didhawa.

Eksodha 28:23

U na maha kambe ka txyambalo txa hakhana masinda mambidi a nzalama ya yinene, u txi ma veka titshokani ka txona txyambalotxo.