Eksodha 25:10 - Bhiblia Yo Sawuleka

¹⁰ Se mi na maha dibhokiso ngu mapulango a setime, aale ma ku ni kulapha ka mikono yimbidi ni hafu, ni kuanama ka mkono wumwewo ni hafu, ni kudemba ka mkono wumwewo ni hafu.

Eksodha 25:10 Referans Kwoze

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Mtuletelo 11:19

Dithepele da Txizimu di ku nzumani di to tuleka, se wu txi woneka dibhokiso da txitumelelano Dithepeleni ka txona. Se ku to woneka kukeluka ka nzuma, mapswi, singwalangwanda, kutsekatseka ka mafu ni txingulu txa hombe txa maralala.

2 Makronika 8:11

Mwanana wa Faro a to kwelela ngu didhoropani ka Dhavhidha eya m'tini kwakwe, a nga ti aketwe ngu Solomoni; nguko a txi khene: Msikati wangu kha na mbi zumba nyumbani ka Dhavhidha mfumeli wa Israyeli, nguko makhalo awa dibhokiso da Mkoma di nga wuletiswa ka ona ma sawulekile.

Eksodha 35:12

dibhokiso ni siparako sa kona, txikhalo txa wuxinji ni m'jiyo wo vhikela;

Mitengo 3:31

Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.

Mitengo 4:5

Ngako di txi khukha, Aroni ni vanana vakwe, va na thavisa nguwo ya txibhiya. Va na fenengeta ngu yona dibhokiso da wufakazi.

Eksodha 31:7

Ditenda da msengeletano, dibhokiso da txitumelelano, txikhalo txa wuxinji txi ku ngu txitimwi ka dona ni ka sotshe simaha sa ditenda;

Eksodha 39:32

Ngu toneto, mthumo wotshe wa kuaka ditenda do sawuleka ni ditenda da msengeletano wu to hoka magwito. Vanana va ka Israyeli va mahile totshe nga tonti Mkoma a nga leletelisa tona ka Mosi.

Mitengo 4:6

Kambe va na fenengeta txitimwi ka kona ngu madhowo a matxalu, ngu txitimwi ka dona ku na gwimbwa nguwo ya mkuxe; se va na veka minaneko.