Eksodha 24:8 - Bhiblia Yo Sawuleka

⁸ Sekoko Mosi a to teka mnoha a txi wu xwayela txitimwi ka vathu, na a txi womba, a txi khene: “Awuwa mnoha wa txitumelelano txi Mkoma a nga txi maha ni nanu, ngu kulondisa otshe mapswi ale a nga ma womba.”

Eksodha 24:8 Referans Kwoze

Eksodha 24:6

Mosi a to teka mnoha wa hafu a txi wu veka amu ka mbiya, a to xwayela ngu yimwani hafu ya mnoha txitimwi ka txiluvelo.

Ezekhiyele 36:25

Sekoko ni na xwaya mati o sawuleka txitimwi kwanu, mi na sawulekiswa; ni na mi sawulekisa ka yotshe nzambwa yanu, ni ka sotshe sithombe sanu.

Matewu 26:28

Nguko awuwa mnoha wangu wa txitumelelano, wu na ku theketelwa vavangi, kasi ku na mana divalelo ya sionho.

Vahebheru 13:20

Txizimu txa kudikha txi nga kwelisa txitimwi awule txi nga mu wusa ngu ka vafi, ngu mnoha wa txitumelelano txo mbi na magwito, M'dyisi wa hombe wa tinvuta,

1 Vakorinto 11:25

A txi mahisa toneto, msana ka kulalela, a to teka digombe, a txi khene: “Digombe diya njitumelelano txa txiphya txi mahwako ngu mnoha wangu. Sotshe sikhati si mi no sela digombe diya, mi na ti mahela ku ni alakanya.”

Marku 14:24

Ene kambe a va gete a txi khene: “Asiya mnoha wangu, mnoha wa txitumelelano, awu wu theketelwako vavangi.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Luka 22:20

Msana ka kuva va di lalete, a to mahisa toneto kambe ngu digombe a txi khene: “Digombe diya Njitumelelano txa Txiphya ka mnoha wangu, wu no theketwa ngu kota yanu.

Zakariya 9:11

Kasi i di awe ngu mhaka ya mnoha wa txitumelelano txako, ni humisile tikhumbi tako ngu diphalani mu ku nga si nga ni mati.

Vaefesu 1:7

Hi mani kutirulwa ngu ngene, hi mani divalelo ya sionho ngu mhaka ya mnoha wakwe, i ku kudivalelwa ka sionho sathu, ngu mtamo wa kutala ka tikateko ta Txizimu,

Isaya 52:15

Ngu kumaha keto, a na xamalisa matiko o tala, ni vafumeli va na pwata ni txo ngu mhaka yakwe, nguko va na wona ni ti va sinziko kuziviswa, se ni tile va nga mbi tipfa, va na ti pima.

Levhi 8:30

Kambe Mosi a to teka mtona wo tota ngu wona, ni mnoha wu wu nga ti txitimwi ka txiluvelo, xwayela ngu sona Aroni ni syambalo sakwe sa wuphaxeli, kumweko ni vanana vakwe, ni syambalo sawe sa wuphaxeli. Ngu toneto, Mosi a katekisile Aroni ni vanana vakwe, kumweko ni syambalo sa wuphaxeli.

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Joxuwa 24:25

Ka ditshikudo, Joxuwa a mahile txitumelelano ni vathu; a to va vekela mithetho ni milayo kona Sikemi.

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Dhewuteronome 5:2

Mkoma, Txizimu txathu, a mahile txitumelelano ni nathu mmangoni ka Horebhi.

1 Vafumeli 8:21

Se ni vekisile wukhalo wa dibhokiso di di ku ni txitumelelano txile Mkoma a nga txi maha ni vatate vathu, mbimo yile a nga va thavisa ditikoni ka Egipta.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.

Hagayi 2:5

madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.