Eksodha 24:7 - Bhiblia Yo Sawuleka

⁷ A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 24:7 Referans Kwoze

1 Vatesalonika 5:27

Na mi kombela ngu ka Mkoma ti to dipapilo diya, di gondwa ka votshe vanathu.

Vakolosa 4:16

Msana ka kuva di di gondilwe hagari kwanu dipapilo diya, di ningeleni di gondwa kambe Dibanzani ka Laodhikheya; na nanu lavani kugonda adi di tako ngu Laodhikheya.

Mithumo 13:15

Msana ka kugondwa dibhuku da Mlayo ni Vaprofeti, vathangeli va disinagoga, va to rumela dipswi, va txi kha vona: “Vanathu, ngako mi di ni dipswi do laya vathu, mi ngadi womba.”

Eksodha 19:8

Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Joxuwa 24:24

Vathu va to womba ka Joxuwa va txi kha vona: “Athu hi na khozela Mkoma, Txizimu txathu, ni dipswi dakwe hi na di engisa.”

1 Vafumeli 8:9

Amu ka dibhokiso ku si nga ni tximwani txilo, hahanze ka sileti simbidi sa marigwi, asile Mosi a nga si beta a di Horebhe mbimo yile Mkoma a nga maha txitumelelano ni vanana va ka Israyeli, va txi huma ngu ditikoni ka Egipta.

Masalmo 50:5

“Tshanganisani votshe vale va thembekako, avale va nga maha txitumelelano ni nani va txi ni phaxela timhamba.”

Masalmo 78:36

Aniko makungo a sisofu sawe i ti a makuhu; totshe ti va nga ti womba ti ti si nga ni ditshuri.

Jeremiya 34:13

A womba tiya Mkoma, Txizimu txa ka Israyeli: Ni mahile txitumelelano ni vakokwani vanu ditshikwedo ni nga va humisa ditikoni ka Egipta, nyumbani ka wukhumbi, ni txi khani:

Jeremiya 42:6

Hambi i di ta tinene, mwendo to biha, titako ngu ka Mkoma, Txizimu txathu, awu hi kurumako kwakwe, hi na ti londisa, kasi hi txi na humelela kha kwati, hi londisa dipswi da Mkoma, Txizimu txathu.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

2 Makronika 15:14

Va to xambanya ka Mkoma, ngu dipswi do guleka ni da kutsaka va txi veta mipundu ni titshudi.