Eksodha 24:6 - Bhiblia Yo Sawuleka

⁶ Mosi a to teka mnoha wa hafu a txi wu veka amu ka mbiya, a to xwayela ngu yimwani hafu ya mnoha txitimwi ka txiluvelo.

Eksodha 24:6 Referans Kwoze

1 Pedro 1:19

aniko, mi tirutwe ngu mnoha wa lisima wa Kristu, wu wu fanako ni wa Txinvutana txo mbi na wulima mwendo txibawa;

Eksodha 24:8

Sekoko Mosi a to teka mnoha a txi wu xwayela txitimwi ka vathu, na a txi womba, a txi khene: “Awuwa mnoha wa txitumelelano txi Mkoma a nga txi maha ni nanu, ngu kulondisa otshe mapswi ale a nga ma womba.”

Vahebheru 9:18

Se, hambi txitumelelano txo khata txi ti si thumi kusanzi kutheketwa mnoha.

Levhi 4:6

se mphaxeli a na beta litiho mu ka mnoha, e xwayela ngu wona mtxhanu wa sikhati ni simbidi, masoni ka Mkoma, masoni ka m'jiyo wa wukhalo sawuleka.

1 Pedro 1:2

i ku va va nga sawulwa madingano ni makungo a kale a Txizimu Tate, ve sawulekiswa ngu Moya, kasi kuve engisa Jesu Kristu ni kuamukelwa ngu mnoha wakwe: Kateko ni kuthutha si nave ni nanu ngu wungi wa sona.

Vahebheru 12:24

ni ka Jesu muemeli wa txitumelelano txa Txiphya, ni ka mnoha wa kuxwayela, wu wu ku ni lisima lo pinda mnoha wa Abhele.

Vakolosa 1:20

ti txi tsakisile kambe Txizimu ti to kwakwe Kristu, sotshe simaha si txi mana kupfana, a txi si ninga kuthutha ngu mtamo wa txihambano txakwe, hambi sa ha mafuni, mwendo sa nzumani.

Levhi 3:8

Se u na sanzeka dianza dako ha msungo, ka txihari txi u txi ningelako, u txi txi wila mkolo, hafuhi ka ditenda da msengeletano; se vanana va Aroni va na xwayela ngu mnoha wa txihari kotshe madhawani ka txiluvelo.

Levhi 3:2

A na sanzeka dianza dakwe ha msungo ka txihari txi a no maha mhamba ngu txona, a na txi wila mkolo a di ha txikeni ka ditenda da msengeletano. Se vaphaxeli, i ku vanana va Aroni, va na xwayela ngu mnoha wa txona madhawani ka txiluvelo.

Levhi 1:11

se a na txi wila mkolo didhawa ka wuphemba ka txiluvelo, masoni ka Mkoma; se vanana va Aroni, i ku vaphaxeli, va na xwayela mnoha wa kona ka otshe madhawa a txiluvelo.

Levhi 1:5

Ngu msana a na wila mkolo wa dirole masoni ka Mkoma; se vanana va Aroni, i ku vaphaxeli, va na maha mningelo, ngu mnoha awu va no xwayela ngu wona ka otshe madhawa a txiluvelo, txi txi ku ha txikeni ka ditenda da msengeletano.

Eksodha 29:20

U na yi wila mkolo hamba, u teka mnoha wa wudotho u txi wu tota ha tshokani ka tinzeve ta txinene ka Aroni ni ka vanana vakwe, u na tota kambe aha ka titiho ta vanyagotwe ta mikondo yawe ya txinene; ngu mnoha wu wu no sala, awe u na wu xwayela ha txiluveloni, ngu ka madhawa otshe.

Eksodha 29:16

Hamba u na yi wila mkolo, u teka mnoha wa kona u txi wu xwayela ha txiluveloni ka madhawa otshe.

Eksodha 12:22

Sekoko tekani didhavi da hisopo, mi txi di nakanisa ngu mnoha wu wu ku mu ka dibhaziya, mi txi tota mtshunzuti wa txitimwi ni misasimo ya kona ngu mnoha wule wu ku mu ka dibhaziya; ni wammweyo wanu a nga hume ngu nyumbani kala ni mixo.

Eksodha 12:7

Va na teka mnoha wa kona va txi wu tota aha ka tiphande timbidi ta misasimo ni ka mtshunzuti ha txikeni, ka tinyumba ti va no dyela ka tona.

1 Vakorinto 11:25

A txi mahisa toneto, msana ka kulalela, a to teka digombe, a txi khene: “Digombe diya njitumelelano txa txiphya txi mahwako ngu mnoha wangu. Sotshe sikhati si mi no sela digombe diya, mi na ti mahela ku ni alakanya.”

Vahebheru 8:9

Kha txi na mbi fana ni txitumelelano txi ni nga txi maha ni vatate vawe, ka ditshiku di ni nga va ñola ngu diwoko, ni va humisa ditikoni ka Egipta. Nguko, vona kha va vekisa txitumelelano txangu; ngu toneto, kha na va khatalela, kuwomba Mkoma.

Vahebheru 9:19

Kha ditshuri, Mosi msana ka kuva a di huwelete ka vathu sotshe sirumo sa mlayo, a to teka mnoha wa marole ni wa tiphongo kumweko ni mati ni matoya o bhilivila ni mazokoro a hisopo e xwayela ngu wona dibhuku ni vathu,

Vahebheru 9:21

Msana, a to xwayela ditenda ni sotshe siya si si thumiswako magandeloni.

2 Vafumeli 17:15

Se va to lamba sileleto ni txitumelelano a nga ti txi mahile ni vatate vawe, ni wufakazi wule va nga ti mahile vatate vawe, va to tsimbila ngu wukanganyisi, na i ti maphanga, kufana ni mifumo yile yi nga ti ti madhawani kwawe, ayile Mkoma a nga ti ti va gete ku va nga yi londete.

Masalmo 99:6

Mosi ni Aroni i ti vaphaxeli vakwe Samuwele i ti mmweyo wa vale va dhumisako ditina da Mkoma; vona va dhani Mkoma, se ene a va xamute.

Jeremiya 31:32

Hi nga txitumelelano txo fana ni txi ni nga maha ni vatate vawe, ka ditshiku dile ni nga va ñola ngu dianza, kasi ku va humisa ngu ditikoni ka Egipta, se vona va txipisile txitumelelano txangu, hambiko ani ni ngadi va thembisile, kuwomba Mkoma.