Eksodha 24:5 - Bhiblia Yo Sawuleka

⁵ Ngu msana a to ruma mazambi okari a vanana va ka Israyeli, kasiku va txi maha miningelo yo hiswa, va txi maha miphaxo ka Mkoma ngu kudaya marole va txi dhumisa Mkoma.

Eksodha 24:5 Referans Kwoze

Eksodha 18:12

Sekoko Jetro, msade wa Mosi, a to teka mningelo wo hiswa ni mphaxo, a txi tsula naso ka Txizimu; Aroni ni otshe madhota a ka Israyeli va tile ve ta dya mapawu kumweko ni msade wa Mosi, masoni ka Txizimu.

Eksodha 19:22

Vaphaxeli va va ku ni fanelo yo tshuketa hafuhi ka Mkoma va na maneke va di basile, ati to Mkoma asi va peki ngu lifo.”

Eksodha 20:24

U na ni akela txiluvelo ngu mafu, txitimwi ka txona u na maha miphaxo yako yo hiswa ni ya kudhumisa, ni timhamba ta tinvuta tako ni ta tihomu tako. Kotshe amu ditina dangu di no alakanywa kona, ni nata kwako ni ta kukatekisa.

Masalmo 50:5

“Tshanganisani votshe vale va thembekako, avale va nga maha txitumelelano ni nani va txi ni phaxela timhamba.”