Eksodha 24:4 - Bhiblia Yo Sawuleka

⁴ Se Mosi a manekile a txi bhala otshe mapswi a Mkoma, se ni mixo a to khukha eya aka txiluvelo hafuhi ka mmango, ni tiphande ta digumi ni timbidi ta marigwi, a txi dinganisa tihunzu ta digumi ni timbidi ta va ka Israyeli.

Eksodha 24:4 Referans Kwoze

Dhewuteronome 31:9

Se Mosi a to bhala mlayo wuwa, e wu ningela ka vaphaxeli, vanana va Levhi, avale va nga ti rwala dibhokiso da txitumelelano txa Mkoma, kumweko ni otshe madhota a va ka Israyeli,

Genesisi 28:18

Sekoko Jakobe a di wukile ni mixo, a to teka dirigwi di a nga ti di mahile txikhigelo, e di emisa di maha txialakanyiso, e thela mtona tximwi ka dona.

Mtuletelo 21:14

Diguma da didhoropa di ti ni digumi da makhato a kuaka ni mambidi, ni txitimwi ka ona ku ti ni matina a digumi ni mambidi, a Vapostoli va Digumi ni vambidi va Txinvutana.

Vagalatiya 2:9

Ngu kuziva yona kateko yi ni nga ningwa, Jakobe ni Khefasi ni Johani ava va ziwako kota tisika ta dibanza, va hi losile ngu ku hi ninga manza a txinene, ani ni Bharnabhasi, ngu txikombiso txa kusengela kwathu navo, kasi athu hi txi ya txhumayela vamatiko, na vona veya txhumayela va wukwera.

Luka 22:30

kasi ku mi txi dya ni kusela ha mezani kwangu, ka Mfumo wangu; ni ti to mi txi khalahatsha ka sikhalo sa wukoma mi txi lamula tihunzu ta digumi ni timbidi ta ka Israyeli.”

Ezra 6:17

Se va to henjeleta ka mthumo wa kuningelisiswa ka Nyumba yiya ya Txizimu, 100 wa marole, 200 wa xihambana, ni 400 wa sinvutana, ni digumi da vamabhongwe ni vambidi, kasi kukombela kudivalelwa ka sionho sa votshe va ka Israyeli, ngu mtengo wa tihunzu ta va ka Israyeli.

1 Vafumeli 11:30

Se Ayasi a to thavisa simaha si a nga ti ambate, e si bhandelela ngu digumi da sigwanda ni simbidi.

Joxuwa 4:20

Se marigwi ale a digumi ni mambidi va nga ma teka Jordhani, Joxuwa a to ma emisa kona Giligali.

Mitengo 17:2

Gela vanana va ka Israyeli va txi ku nehela tindonga, ngu nyumba yimwani ni yimwani, tiza ti tshangana digumi da tindonga ni timbidi, a ti ti no huma ngu ka votshe vathangeli, madingano ni tinyumba ta vatate vawe; u na bhala ditina da m'thu ni m'thu ka ndonga yakwe.

Levhi 24:5

Se u na teka mpupu wa wunene, u bhika ngu wona digumi da sibhubhutela ni simbidi; txibhubhutela tximwetxo ni tximwetxo, txi na va txa mipimo yimbidi ya wugumi.

Eksodha 28:21

marigwi a mtengo wa hombe, ma nava a mtengo wa vanana va ka Israyeli: Digumi ni mambidi wa matina, nga ti mtengo wawe i ku tona, ma nava ma di bhatwe ngu ku khwekhwetela nga txialakanyiso, dimwani ni dimwani di na va ni ditina da kona, ku nga tihunzu ta digumi ni timbidi, ta va ka Israyeli.

Genesisi 31:45

Sekoko konako, Jakobe a to teka dirigwi e di emisa, di ti maha txialakanyiso.

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Eksodha 17:14

Sekoko Mkoma a to womba ka Mosi a txi khene: “Bhala timhaka tiya amu ka dibhuku kasi ku ti maha txialakanyiso, u gela Joxuwa tito, ni na lovisa maalakanyo a Amaleki, hahatshi ka nzuma.”

Eksodha 17:15

Se Mosi a to aka txiluvelo e txi raya ditina daku “Mkoma m'jeke wangu.”

Eksodha 21:1

Ayiya ngu yona milayo yi u no vekela va ka Israyeli:

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 34:27

Mkoma a wombile kambe ka Mosi a txi khene: “Bhala mapswi awa, nguko ni mahile ngu ona txitumelelano kumweko ni nawe ni va ka Israyeli.”

Isaya 19:19

Ka yona yile mbimo, Mkoma a na va ni txiluvelo hagari ka ditiko da Egipta, se ku na akwa txikombiso txa matimu ka Mkoma, m'hinganoni ka dona.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Joxuwa 4:5

se a to va gela ku khene: Pindani mi txi ya masoni ka dibhokiso da txitumelelano txa Mkoma, Txizimu txanu, hagari ka Jordhani; mmweyo ni mmweyo a na pakate dirigwi dimwedo, madingano ni mtengo wa tihunzu ta vanana va ka Israyeli,

1 Vafumeli 18:31

Se Elija a to teka digumi da marigwi ni mambidi, madingano ni mtengo wa tihunzu ta vanana va Jakobe, se di to ta kwakwe dipswi da Mkoma, di txi ta kha dona: Ditina dako u na va Israyeli.

Nehemiya 10:1

Se ava va nga sayina ngu vava: Nehemiya, mwana Hakaliya, ni Zedhekiya,