Eksodha 24:2 - Bhiblia Yo Sawuleka

² Kambe i Mosi dwe a no tshuketa ka Mkoma; aniko vona va nga tshukete, hambi vathu va nga kwelele nayo.”

Eksodha 24:2 Referans Kwoze

Eksodha 24:18

Se Mosi a to wulela hagari ka direfu, e kwela mmangoni; Mosi a to zumba mmangoni mune wa magumi a masiku, ni mune wa magumi a wusiku.

Eksodha 24:15

Mbimo yile Mosi a nga txi kwela mmangoni, direfu di to fenengeta mmango.

Eksodha 24:13

Se Mosi a to khukha ni Joxuwa txithumi txakwe; se Mosi e kwela mmangoni ka Txizimu.

Vahebheru 9:24

Se, Kristu kha wulela ka wukhalo wo sawuleka wo mahwa ngu manza a m'thu, txifananiso txa wukhalo wo sawuleka wa ditshuri. Aniko a wulete nzumani kupune, kasi ku a txi ya hi emela konkuwa masoni ka Txizimu.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Eksodha 20:21

Vathu va to zumbela kule; Mosi a txi tshuketa aha ka direfu, mtemani, ahale Txizimu txi nga ti kona.

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Eksodha 19:12

U na komba ka vathu muhingano ngu kurendelekisa, u txi va gela tiya: Mi nga kweleni mmango hambi ni kugwesa makhatoni ka wona. Awule a wu gwesako, a na tsayiswa ngu kufa.