Eksodha 24:18 - Bhiblia Yo Sawuleka

¹⁸ Se Mosi a to wulela hagari ka direfu, e kwela mmangoni; Mosi a to zumba mmangoni mune wa magumi a masiku, ni mune wa magumi a wusiku.

Eksodha 24:18 Referans Kwoze

Dhewuteronome 9:9

Mbimo yi ani ni nga kwela kasi kuya amukela sileti simbidi sa marigwi, sileti sa txitumelelano, atxi Mkoma a nga maha kumweko ni nanu, sekoko ni ti ya zumba mmangoni, mune wa magumi a masiku, ni mune wa magumi a wusiku, ni sidyi dipawu, hambi kusela mati.

Dhewuteronome 10:10

Ani ni to zumba mmangoni mune wa magumi a masiku, ni mune wa magumi a wusiku, kufana ni txikhati txo khata, Mkoma a to ni engisa kambe, ku nga dile do khata, se ene Mkoma kha ni lovisa.

Eksodha 34:28

Mosi a zumbile hafuhi ka Mkoma mune wa magumi a masiku asi dyi sakudya, hambi kusela mati, wusiku ni mitshikari. Se Mkoma a bhate aha ka sileti mapswi a txitumelelano, i ku sirumo sa digumi sa mlayo.

Dhewuteronome 9:25

Ngu mhaka yeto, ani ni to khizama masoni ka Mkoma, ni ti veka hahatshi, ni heta mune wa magumi a masiku, ni mune wa magumi a wusiku, ni txi mi khongelela, nguko Mkoma a ti ti khene a na mi fuvisa.

Dhewuteronome 9:18

Ni to ti wisa kambe masoni ka Mkoma, nga txikhati txo khata, ni heta mune wa magumi a masiku, ni mune wa magumi a wusiku, ni sidyi dipawu, ni si seli mati, ngu mhaka ya txionho txiya txa hombe, txi mi nga txi maha, ngu kumaha ati i ku to biha masoni ka Mkoma, mi txi mu henyisa.

Luka 4:2

Se e dukwa ngu Sathani. Mndani ka masiku ale, kha nga va ni kudya txilo, se mbimo yi ona ma nga guma ene a to pfa nzala.

Marku 1:13

Ene a ti ya fungala mune wa magumi a masiku txiwulani, a txi dukwa ngu Sathani. A ti ti hanya hagari ka sihari sa txitinga, se tingelozi ti txi mthumela.

Matewu 4:2

Se na a di ti toni amu ka mune wa magumi a masiku ni mune wa magumi a wusiku, a to pfa nzala.

1 Vafumeli 19:8

A to wuka koko Elija, a txi dya ni kusela, se ngu mtamo wa sakudya sile, a to tsimbila mune wa magumi a wusiku ni mune wa magumi a mitshikari, kala Horebhi, mmangoni ka Txizimu.

Eksodha 24:17

Se kuphatima ka Mkoma txitimwi ka mmango, masoni ka vanana va ka Israyeli, ku to wonekisa kufana ni mndilo wu tshokomisako.

Eksodha 19:20

Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Eksodha 9:33

Konako, Mosi a to khukha ka Faro e huma mu didhoropani, se e nawuluta manza akwe a txi ma komba ka Mkoma Txizimu. Singwalangwanda ni mati a maralala si to ema, se kha ka nga wa kambe mati a maralala ha ditikoni.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Eksodha 25:1

Sekoko Mkoma a to womba ka Mosi, a txi khene:

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

1 Vafumeli 19:11

Se Mkoma a to khene ka Elija: Huma hahanze u txi ya maneka mmangoni masoni ka Mkoma. Se Mkoma a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka Mkoma; aniko Mkoma a ti si ngaho ka moya wule; wu di pindile moya wule ku to zinginika mafu; emo kambe asi ngaho Mkoma.

Dhewuteronome 5:31

Kambe awe, zumba kona hawa ni nani, ni txi ku geletela sotshe sirumo, ni milayo, ni sileleto si u no ya va gondisa, kasi kuva txi ya si maha ka ditiko dile ni no va ninga va txi di fuma.”