Eksodha 24:16 - Bhiblia Yo Sawuleka

¹⁶ Se kuphatima ka Mkoma ku to maneka txitimwi ka mmango wa Sinayi, direfu di to wu fenengeta, mtxhanu wa masiku ni dimwedo; se ngu ditshiku da wutxhanu ni mambidi, Mkoma a to dhana Mosi, a di mndani ka direfu.

Eksodha 24:16 Referans Kwoze

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Mitengo 16:42

Se mbimo yi vathu va nga tshangana ve wukela Mosi ni Aroni, va to tutumela kuya ditendani ka msengeletano, konaho ku to woneka direfu di txi va fenengeta, ni wudhundo wa Mkoma wu to woneka.

Ezekhiyele 1:28

Kufana ni kuphatima ka wulaho wa nyazimu, ngu ditshiku da kuwa ka mati, ku ti ti phatima madhawani. Aawa i ti ti mawonekelo a kufana ni wudhundo wa Mkoma; se mbimo yi ni nga ti wona tiya, ni to wa ngu khohe yangu, kambe ni pfite dipswi da wu a nga ti ti womba-womba.

Masalmo 99:7

Txizimu txi wombawombile navo txi di mndani ka marefu; vona va ti ti xayisa sileleto ni milayo yi txi nga va ninga.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.

Levhi 9:23

Sekoko Mosi, a to wulela ditendani ka msengeletano kumweko ni Aroni, mbimo yi va nga huma, va to katekisa vathu. Se Mkoma a to kombisa mtamo wakwe wo xamalisa ka vathu votshe.

Mtuletelo 1:10

Ngu ditshiku da Mkoma, ni to tekwa ngu Moya, se msana kwangu ni to pfa dipswi da hombe, do nga kuvetwa ka mpundu, adi di nga womba di txi kha dona:

2 Vakorinto 4:6

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.

Eksodha 24:17

Se kuphatima ka Mkoma txitimwi ka mmango, masoni ka vanana va ka Israyeli, ku to wonekisa kufana ni mndilo wu tshokomisako.

Eksodha 20:10

Aniko ka ditshiku da wutxhanu ni mambidi, ditshiku da Sabbata da Mkoma Txizimu txako. U nga thume mthumo ngu ka dona ditshikudo, awe ni mfana wako, ni dihorana dako, ni txithumi txako txa wamwamna ni txa wamsikati, hambi ni txifuyo txako, ni mpfhumba wule a ku ha m'tini kwako.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 19:9

Se Mkoma a to ni gela ku khene: “Wona taku ani ni nata kwako ngu mu ka direfu do phumela, kasi ku vathu va txi ni engisa ni txi womba-womba ni nawe, kasiku kambe va txi kholwa ngu ha ku si gwitiko.” Aha Mosi a nga txhamusela ka Mkoma mapswi a vathu votshe,

Levhi 9:6

Se Mosi a to khene: Ni na mi txhamusela mithetho yi Mkoma a nga ni ninga. Ngako mi txi yi vekisa, mi na sikota kuwona mtamo wakwe wo sawuleka.

Isaya 4:5

Txitimwi ka wotshe wuako wa mmango wa Siyoni, ni txitimwi ka msengeletano wakwe, Mkoma a na maha direfu ni mitshikari ngu wutshi, ni dituro da mndilo ni wusiku; nguko txitimwi ka wotshe wudhumo, ku nava ni kutsivelwa.