Eksodha 24:10 - Bhiblia Yo Sawuleka

¹⁰ se va to wona Txizimu txa ka Israyeli, hahatshi ka mikondo ya txona ku ti ni txo nga dirigwi da safira do phatima ku nga nzuma.

Eksodha 24:10 Referans Kwoze

Johani 1:18

Txizimu kha txi zivi kuwonwa ngu m'thu; Mwanana wa txona wa Mmweyo ekha, awu a ku kumweko ni Tate, ngene a nga hi zivisa ati Txizimu txi ku ngu tona.

Ezekhiyele 10:1

Msana keto, ni to wona ndengalenga ya txitimwi ka misungo ya makerubhima, yi to woneka txitimwi kwawe ni dirigwi da safira, do wonekisa kufana ni txitulu txa wukoma.

Mtuletelo 4:3

Awule a nga ti khalahatshile ka txona, a ti ni khohe yo nga dirigwi da jasperi ni da sardoniya, se wulaho wa nzumani wu ti ranganyetile txikhalo txa wukoma ngu kukhetima ko nga dirigwi da esmeraldha.

1 Timoti 6:16

awu i ku ekha wa wutomi wo mbi guma, a zumbako kuwonekelani ko mbi manelwa, awu a nga mbi wonwa, kambe asi sikotiko kuwonwa ngu m'thu ni wammweyo; kwakwe ku nave ni txithavo ni wukoma wo mbi guma. Amen!

Eksodha 33:23

Ni na thavisa dianza dangu, se u na wona msana wangu, kambe khohe yangu kha yi na mbi woneka.”

Eksodha 33:20

A to engeta a txi khene: Khu na mbi sikota kuwona khohe yangu, nguko kha ku nga ni m'thu a ni wonako, e zumba a txi hanya.

Genesisi 32:30

Wukhalo wuwa Jakobe a to wu raya ditina daku i Peniyeli, nguko ene a ti khene: “Ani ni wonani ni Txizimu, khohe ni khohe, aniko ni ngadi ni hanya.”

Mtuletelo 21:11

Di ti ni kuphatima ka wudhumo wa Txizimu. Kuphatima ka dona ku txi fanana ni ka dirigwi da lisima ngutu, kufana ni dirigwi da Jasperi do basa, nga kristali.

1 Johani 4:12

A walo wu a nga wona Txizimu ni ditshiku ni da dimwedo, aniko, ngako hi txi randana, Txizimu txi zumba ni nathu, se lirando la txona li hetisekile kwathu.

Johani 14:9

Jesu a to khene kwakwe: “I kale ni di zumbile ni nanu, se khu se ni ziva kani Filipi?” Awule a ni wonako, a woni Tate. Se nji txani u txi khawe: “Hi kombe Tate kani?”

Matewu 17:2

Se konaho a to phinduka masoni kwawe: Khohe yakwe yi phatima kufana ni ditambo, ni tinguwo takwe ti hinduka ti txi basa kufana ni liwoningo.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

Johani 6:46

Hi nga ti to ku na ni m'thu wu a nga wona Tate, hahanze ka wu a tako ngu ka Txizimu, eyo ngene a nga wona Tate.”

Ndando ya Tindando 6:10

I mani wuwa a wonekisako ku nga wuronga, wo tshura nga mtxima, wa kuwoninga nga ditambo, wo thisa nga dibutho da yimbi di ku ni m'jeke kani?

1 Vafumeli 22:19

Sekoko Mikaya a to khene: Engisa koko dipswi da Mkoma: Ni woni Mkoma a di khahatshile ka txikhalo txakwe txa wukoma, kambe dotshe dibutho da nzumani, di ti hafuhi ni nene, ngu didhawa kwakwe ka txinene, ni didhawa kwakwe ka txibhabha.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Eksodha 24:11

Kambe Mkoma kha guleta dianza dakwe txitimwi ka vasawuleki, hagari ka vanana va ka Israyeli; kambe va txi wonile Txizimu, va dyite, ve sela.

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

Ndando ya Tindando 5:14

Mawoko akwe ma fana ni tiphera ta nzalama ti nga tshuriselwa ngu tidhayimani; mndani kwakwe kufana ni titxheho ta tshofu to tshulelwa ngu marigwi a safira.

Sidilo 4:7

Tinganakana ta Jerusalema ti ti basile kupinda gapongo, ti ti basile kupinda ni masi; mimidi ya tona yi ti tshurile kupinda so bomba ngu sona yi txi phatima ngutu ta tinene.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Dhaniyeli 10:17

Ina txithumi txa nyamne wangu txi nga wombawombisa kutxani ni nyamne wangu kani? Nguko, i di ani, kukhukhela ka konkuwa ni gumile mtamo, kha ni sikoti ni kuhefemula.

Genesisi 32:31

Ngako ditambo di txi huma, Jakobe a manekile a di tshawunyetile Peniyeli, kambe a txi khwita ngu mhaka ya nyonga yakwe.

2 Makronika 6:17

Konkuwa awe Mkoma, Txizimu txa Israyeli, di na tatiseke dipswi dako adi u nga womba ka txithumi txako, tate wangu Dhavhidha.