Eksodha 23:7 - Bhiblia Yo Sawuleka

⁷ Ti hambukise ka mhaka ya makuhu; u nga daye m'thu wo lulama ni wamnene, nguko ani kha ni na mbi emela txigevenga.

Eksodha 23:7 Referans Kwoze

Vaefesu 4:25

Ngu konaho, lekani makuhu mi txi womba ditshuri mmwani ni mmwani ka mkwawe, nguko hotshethu hi sihango sa mmidi wumwewo.

Dhewuteronome 27:25

“Dikhombo di nave ka wule a tumelako kufidhwa kasi kudaya m'thu wo mbi na mnandu!” Vathu votshe va na womba va txi kha vona: “Amen!”

Eksodha 34:7

Wo tala ngu lirando la hombe, kala ka magumi a mazana a tiveleko, wo divalela wubihi, kueyisa ni sionho, aniko kha fananisi muonho ni wamnene; kambe wa tsayisa vanana ni vatukulu, kala ka liveleko la wuraru ni la wumune, ngu mhaka ya sionho sa vatate vawe.”

Eksodha 23:1

“U nga hangalase timhaka ta makuhu; u nga tshangane ni vathu vo biha, u nga mahe wufakazi wa makuhu.

1 Vatesalonika 5:22

Vayilelani sotshe so biha.

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Varoma 1:18

Nguko kuhenya ka Txizimu ka ti kombisa ku txi ta ngu nzumani, ku ta peka wubihi ni kugombonyeka ka vathu va va tshingelelako ditshuri ngu kona kwa mbi lulama kwawe;

Luka 3:14

Masotxhwa ni ona ma to mu wotisa ma txi kha ona: “Athu-ko, hi fanete kumaha txani, kani?” Ene a to xamula a txi khene: “Mi nga thumiseni wurena ka si i ku sa vane, mi nga mangaleleni m'thu hahanze ka mnandu, kambe tumelani kuenelelwa dwe ngu muholo wanu.”

Nahume 1:3

Mkoma wa swela kuhenya, aniko mbwa hombe amu ka mtamo wakwe, se ka muonhi, kha mmahi wo mbi na mnandu; Nzila ya Mkoma yi mu ka txingulu ni txihuhuri; se marefu lithulu la mikondo yakwe.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Mavingu 17:15

Awule a emelako m'thu wo biha, ni wule a sungako m'thu wo lulama, ngu wumbidi wawe nzinyenyeko ka Mkoma.

Jobe 22:23

Se ngako u txi tshumelela ka wu wa Mtamo-wotshe, u na akwa; tsulisa kule wubihi wu wu ku ditendani kwako.

Eksodha 20:13

U nga daye.

Genesisi 18:23

Se Abrahamu a to tshuketa hafuhi, a txi khene: “Ina u na lovisa valulami kumweko ni vabihi kani?

Eksodha 20:16

U nga lumbete mwakelani wako ngu wufakazi wa makuhu.

Levhi 19:16

U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!

Dhewuteronome 25:1

Ngako vathu vambidi va txi henyisana, se ve yisa mhaka banzani kasi kuya lamulwa, valamuli va na thusa awu a nga lulama, va txi sunga awu a ku ni mnandu

Masalmo 94:21

Vona va maha sikungo so wukela m'thu wo lulama ve mu abanisela lifo awu a singako ni mnandu.

Masalmo 119:29

Ni hambukise ka tinzila ta makuhu u txi ni vhuna kuhanya ngu mlayo wako.

Mavingu 11:21

Wo biha hambi a txo pata dianza ka dianza, kha na mbi huluka kutsayiswa, aniko liveleko la vo luluma li na huluka.

Isaya 5:20

Dikhombo ka vale va ku kha vona to biha ndinene, se ta tinene va txi ndo biha! Va tekako txidema ve txi maha kuwonekela, ni kuwonekela ve kumaha txidema, so bava ve si maha so lombela, se so lombela ve si maha so bava!