Eksodha 23:33 - Bhiblia Yo Sawuleka

³³ Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Eksodha 23:33 Referans Kwoze

Masalmo 106:36

ve khozela sithombe sawe, asi si nga va khuvekisa.

Dhewuteronome 7:16

Ngu kumha keto, u na fuvisa vathu votshe, vale Mkoma, Txizimu txako, a no va ningela kwako; diso dako di nga ve ni wumbilu ngu vona, kambe u nga khozele sizimu sawe, eto ti nga va i di litshenga kwako.

Valamuli 2:3

Ngu mhaka yeto nani ni nga khani: Kha ni na mbi va tutumisa masoni kwanu; aniko va na va txitimwi kwanu, se sizimu sawe si na va milawu kwanu.

Joxuwa 23:13

ngu ditshuri ti ziveni konako ti to Mkoma, Txizimu txanu, a na leka kututumisa vamatiko vava masoni kwanu: Va na phinduka va txi maha likoka ni litshenga hagari kwanu, va na maha limhika makatani kwanu, ni mipa ka maso anu, kala mi txi fuva mu ka ditiko diya da dinene, adi Mkoma, Txizimu txanu, a nga mi ninga.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Dhewuteronome 12:30

ti wonele u si bzwetwi, u nga londetele mahanyelo awe, msana ka kuva va di fuvisilwe masoni kwako; u nga londetele sizimu sawe, u txi khawe: “Vathu vava va khozelisa kutxani sizimu sawe kani? Ni na maha toneto nani!”

2 Timoti 2:26

ni kuvaninga kambe kutshumela ve wuya ka wuzivi, txi va ponisa ka mlawu wa Sathani, a nga ti va bzwetile ngu wona, kasiku ve maha kuranda kwakwe.

2 Makronika 33:9

Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.

1 Vafumeli 14:16

A na ningela Israyeli ngu mhaka ya sionho sa Jerobhowamu, a nga onha e onhisa ni Israyeli.

1 Samuwele 18:21

Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.

Eksodha 10:7

Konako, mahalamu a Faro ma m'gete ku kha ona: “Awuwa m'thu a na hi vangela makhombo kala mbimo muni kani? Leka vathu va txi tsula kasi va txi ya khozela Mkoma, Txizimu txawe. Awe khu ti woni ti to ditiko da Egipta da lova kani?”

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Dhewuteronome 7:1

“Ngako Mkoma, Txizimu txako, a di ku wuletile ka ditiko di uyako ka dona, kasi ku u txi ya di fuma, a di tutumisile matiko amangi masoni kwake, Vaheti, Vagirigaxi, Vaamori, Vakanana, Vaferezi, Vahevhi ni Vajebhusi mtxhanu wa matiko ni mambidi a vathu vo tola ni mtamo wa hombe kupinda awe.

Dhewuteronome 20:18

kasi ku va si mi gondisi kumahetela kotshe kubiha kwawe, akule vona va nga txi mahetela ka sizimu sawe; nguko mi nga va mi txi onhela Mkoma, Txizimu txanu.

Joxuwa 10:40

Ngu toneto, Joxuwa a khozisile dotshe ditiko, mimango ni Negebhe, ni libala ni mikova yotshe, ni vafumeli va kona votshe; kha nga leka ni wammweyo wo sala, a to si lovisa sotshe si si nga ya maneka si txi hanya, nga ti Mkoma, Txizimu txa ka Israyeli, a nga va leletisa tona.

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?