Eksodha 23:30 - Bhiblia Yo Sawuleka

³⁰ Ni na va tutumisa kudotho-kudotho masoni kwako, kala kuza u txi anda, u txi mana mtamo wo teka ditiko di txi maha thomba yanu.

Eksodha 23:30 Referans Kwoze

Dhewuteronome 7:22

Mkoma, Txizimu txako, kudotho-kudotho a na ma tshotsha hahanze matiko awa, me khukha masoni kwako; khu na mbi ma khundumusela otshe ngu diganda, kasi ku sihari sa txitinga si si andi, si mi randela.

Joxuwa 23:4

Wonani, ani ni mi abanisete, madingano ni dikato da lihunzu ni lihunzu, otshe matiko awa ma nga sala ni otshe matiko awa ni nga ma khozisa, kukhukhela Jordhani kala ka Linene la Hombe, mswa-ditambo.

Joxuwa 23:9

Kunene Mkoma a tutumisile, masoni kwanu, mifumo ya hombe ya mtamo, kha nga ho ni wammweyo a mi tsanelako kala ka yiya mbimo.

Joxuwa 13:6

Votshe vaaki va mmangoni, kukhukhela Libhanoni kala Misirefoti-Mayimi, votshe Vasidhoni; ani nipune ni na va tutumisa, masoni ka vanana va ka Israyeli. Awe u na phakela ditiko diya, di maha thomba ya vanana va ka Israyeli, nga ti ni nga ku leletisa tona.

Joxuwa 23:5

Mkoma, Txizimu txanu, ene apune a na va girimusa masoni kwanu, a na va honyola ditiko a txi mi ninga, se anu mi na di fuma, nga ti Mkoma, Txizimu txanu, a nga mi thembisa.