Eksodha 23:29 - Bhiblia Yo Sawuleka

²⁹ Kha ni na mbi va tutumisa masoni kwako ngu dilembe dimwedo dwe, kasiku ditiko di si mahi txiwula, se sihari sa txitinga si txi anda si txi mi wukela.

Eksodha 23:29 Referans Kwoze

Dhewuteronome 7:22

Mkoma, Txizimu txako, kudotho-kudotho a na ma tshotsha hahanze matiko awa, me khukha masoni kwako; khu na mbi ma khundumusela otshe ngu diganda, kasi ku sihari sa txitinga si si andi, si mi randela.

Joxuwa 16:10

Kambe kha va tovela vanana vale va nga ti akile Gezeri; kambe Vakanana va zumbile hagari ka lihunzu la vanana va ka Efrayime kala ka ditshiku da nyamsi, va txi maha Vaisrayeli va ku va thumela.

Joxuwa 15:63

Vajebhusi va ngadi akile Jerusalema, vanana va ka Judha kha va sikota ku va tutumisa; ngu mhaka yeto Vajebhusi kala nyamsi va ngadi akile kona Jerusalema, kumweko ni vanana va ka Judha.

Eksodha 23:30

Ni na va tutumisa kudotho-kudotho masoni kwako, kala kuza u txi anda, u txi mana mtamo wo teka ditiko di txi maha thomba yanu.

Eksodha 34:24

Nguko ani ni na tutumisa mifumo masoni kwako, kambe ni na engetela ditiko dako; ni wammweyo kha na mbi navela dithepele dako nga ti u txi kwela u txi ya ti wonekisa masoni ka Mkoma, Txizimu txako, kuraru ngu dilembe.