Eksodha 23:28 - Bhiblia Yo Sawuleka

²⁸ Ni na rumela kambe mifi masoni kwako, ati to yi txi tutumisa Vahevhi, Vakanana ni Vaheti va txi thava masoni kwako.

Eksodha 23:28 Referans Kwoze

Dhewuteronome 7:20

Hahanze ka toneto, Mkoma, Txizimu txako, a na rumela mifi kwawe, kasi kulovisa vale va no sala, avale va nga sisala masoni kwako.

Genesisi 15:19

I ku ditiko da Vakeni, ni Vakenezi, ni Vakadhimoni,

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Eksodha 34:11

Xayisa ati nyamsi ni ku leletako, ni na tutumisa masoni kwako Vaamori, Vaheti, Vaferezi, Vahevhi ni Vajebhuzi.

Masalmo 80:9

U wu lulamisete mafu, se wona wu mite mikoloti, wu txi na va, wu eneta dotshe ditiko.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!