Eksodha 23:27 - Bhiblia Yo Sawuleka

²⁷ Ni na rumela kuthava masoni kwako, ni na hangalasa vathu votshe kotshe amu u no maneka u txi wulela kona, kambe ni na maha ati to votshe valala vako va txi kutshuralela va txi tutuma ngu kuthava.

Eksodha 23:27 Referans Kwoze

Dhewuteronome 2:25

Kukhukhela ka nyamsi, ni na khata kuthela dizowa, ni txidhukisa, ngu ngawe, otshe matiko awa ma ku hahatshi ka nzuma. Vathu va kona va na engisa nduma yako, va txi dhudhumela ngu dizowa masoni kwako, ve guma mtamo.

Genesisi 35:5

Vona va to khukha ha wugoveloni hale va nga ti kona, se Txizimu txi to thela dizowa da hombe, ka vathu va madhoropa otshe ma nga ti hafuhi, ti to ku si maneki m'thu ni wammweyo wa kutsana a txi londeta Jakobe ni ngamu yakwe.

Dhewuteronome 7:23

Se Mkoma, a na ma ningela manzani kwako: Ona ma nava ni pfilu-pfilu ya dizowa, kala me loviswa.

Dhewuteronome 11:25

Kha ku na mbi va ni m'thu wo mi tsanela; Mkoma, Txizimu txanu, a na thela dizowa ni kudhudhumela ngu mhaka yanu, ka vathu va dotshe ditiko di mi no wulela ka dona, nga ti ene a nga mi gela.

Masalmo 18:40

Awe wa ni ninga mtamo wa kuxula valala vangu; ni na va fuvisa avale va ni vengelako.

2 Makronika 14:14

Va to xasela madhoropa otshe ale ma nga ti ti hafuhi ni Gerara, nguko va ti ti thavile Mkoma, va tekile otshe madhoropa, nguko ma ti ti ni thomba yayingi.

2 Vafumeli 7:6

Nguko Mkoma a to maha ti to Vasiriya ve pfa diguwa da sikotxikani ni mahantxhi, ku nga ova diguwa da dibutho da hombe; veza va txi kha vona hagari kwawe: Hi nga wonani mfumeli wa ka Israyeli, a ti ya xava vafumeli va Vaheti ni va Vaegipta, ku ta hi lwisa.

1 Samuwele 14:15

Se ku to va ni kuthava wugoveloni, txitingani ni ka votshe vathu; vawoneleli ni vona ni vaxaseli va to dhudhumela, a ha koza ni ditiko di zinginika, nguko i ti ti kuthava kutako ngu ka Txizimu.

Dhewuteronome 11:23

kambe Mkoma a na tutumisa masoni kwanu yotshe mifumoyo, na nanu mi na xula mifumo ya hombe ni ya mtamo kupinda anu.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

2 Samuwele 22:41

Se u ni ningile magondo a valala vangu, avale va nga ti ni nyenya, se ni va hoxotile.

Masalmo 21:12

Nguko u na va fula tikhohe ngu tingove; va na kutshuralela ve tutuma.

Eksodha 34:24

Nguko ani ni na tutumisa mifumo masoni kwako, kambe ni na engetela ditiko dako; ni wammweyo kha na mbi navela dithepele dako nga ti u txi kwela u txi ya ti wonekisa masoni ka Mkoma, Txizimu txako, kuraru ngu dilembe.

Mitengo 22:3

Se Mowabhi a to dhudhumela ngutu, ngu kuwona kutala ka vanana va ka Israyeli.

Dhewuteronome 6:19

ni kututumisa votshe valala vako, masoni kwako, nga ti Mkoma a nga womba.