Eksodha 23:26 - Bhiblia Yo Sawuleka

²⁶ Ditikoni kwanu kha ku na mbi vaho wamsikati wo onhekelwa ngu txirumbu, hambi awule i ku txifule, kambe ni na engetela mtengo wa masiku ako.

Eksodha 23:26 Referans Kwoze

Dhewuteronome 7:14

U na katekiswa ngutu kupinda vathu votshe. Ni wammweyo wa hagari kwanu kha na mbi va i di txifule, mwendo mbwamwamna mwendo mbwamsikati, hambi sihari sako so fuywa.

Jobe 5:26

U na tshotshwa dithithani u ti kumbile, nga kule kusengeletwako tinyanda ta fulaho ngu mbimo ya kona.

Dhewuteronome 28:4

Wu na katekiswa muhando wa mndani kwako, ni muhando wa thembweni kwako, ni muhando wa sifuyo sako, i ku marole a tihomu tako, ni sinvutana sa tinvuta tako.

Jobe 21:10

Madhuna awe ma velekisela, kha ma phazami, tihomu tawe ta veleka kha ti txhisi.

Isaya 65:20

Ka dona kha ku na mbi maneka kambe mwanana wo hanya masiku amadotho, hambi txikosana txi txi no mbi hetisa masiku a txona, nguko mwana a na fa a ti ni 100 wa malembe, aniko muonhi wa 100 wa malembe a na ruketelwa.

Masalmo 144:13

kasi ku sizenda sathu si tala ngu sotshe so elulwa; kasi ku mitxhambi yathu yi na velekela ngu magumi a mazana, ni magumi a magumi a mazana, amu ka mabhudhula kwathu.

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

Genesisi 35:29

Se Isaake, msana ka kuva a di kumbile, to fa, eya ti patanisa ni va ka kwawe, i di txikhovana, na a di hanyile masiku o tala, se vanana vakwe, Esawu ni Jakobe, va to mtshotsha.

1 Makronika 23:1

Mbimo yi koko, Dhavhidha a nga kumba, a di ni masiku o tala, a to veka Solomoni, mwanakwe, kuva mfumeli txitimwi ka va ka Israyeli.

Genesisi 25:8

Abrahamu a to ningela muhefemulo wakwe, a fite a di kumbile ngutu, i di txikhovana, a to ya tshangana ni va ka kwawe.

Jobe 42:17

Sekoko, Jobe a fite a di kumbile, a di ni masiku amangi.

Masalmo 55:23

Awe, Txizimu, u na va rethela diphalani ka kuhokoma. Vathu va i ku sigevenga ni va va makuhu kha va na mbi hanya hafu ya masiku awe. Aniko ani, ni themba awe.

Masalmo 90:10

Masiku a kuhanya kwathu nga mtxhanu wa magumi ni magumi mambidi a malembe; avale va ku ni mtamo va hoka ka mtxhanu wa magumi ni magumi mararu a malembe, aniko i malembe a sikarato ni kupandiseka. Nguko ma pinda ngu kukuluveta, se athu hi mwalala.

Dhewuteronome 4:40

Xayisa sirumo sakwe ni milayo yakwe, ayi nyamsi ni ku leletako, kasi ku totshe ti txi tsimbila kwati kwako ni ka vanana vako, msana kwako, masiku ako ma txi anda ha ditikoni, adi Mkoma, Txizimu txako, a no kuninga, di txi maha dako, kala kupinduka.”

Hoseya 9:14

Va ninge, awe Mkoma; aniko u na va ninga txani kani? Va ninge mame wule a no tshumela ngu msana, wa titshumbu to oma.