Eksodha 23:25 - Bhiblia Yo Sawuleka

²⁵ Mi na thumela Mkoma, Txizimu txanu, se ene a na katekisa sakudya sanu, mati anu kambe a na hambukisa malwati hagari kwanu.

Eksodha 23:25 Referans Kwoze

Dhewuteronome 7:15

Mkoma a na hambukisa kwako otshe makhombo; ni yotshe mitungu yo thisa ya Egipta, ayile u yi zivako; kha na mbi yi wisa txitimwi kwako, aniko a na wisa ka vale va ku vengako.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Joxuwa 22:5

Ti woneleni dwe, mi txi vekisa ngu kukhutala, sirumo sa milayo, ayi Mosi, txithumi txa Mkoma a nga mi ninga, ngu kuranda ka Mkoma, Txizimu txanu, mi txi tsimbila ngu tinzila takwe ka mbimo yotshe, mi xayisa sirumo sakwe, mi txi namarela kwakwe, ni ku mthumela ngu yotshe mbilu yanu ni wotshe moya wanu.”

Isaya 33:24

Se muaki ni wammweyo kha na mbi khene: Na lwala; nguko vathu va va no zumba ka dona, va na divalelwa ka wubihi wawe.

Masalmo 103:3

Ngene a divalelako sotshe sionho sangu a txi ni hanyisa ka yotshe mipando yangu;

Dhewuteronome 7:13

se a na kuranda, a na kukatekisa, a na kumaha u anda, a na katekisa mihando ya mndani kwako, ni mihando ya mafu ako, mafaka ako, ni vhinya yako ya yiphya, ni mtona wako, ni sifuyo sako sa tihomu tako ta mikati, sifuyo sako sa sidotho, ka ditiko di a nga xambanya kuninga vatate vako.

Dhewuteronome 10:12

“Konkuwa koko, awe Israyeli, Mkoma, Txizimu txako, a kombela txani kwako, i si nga ti to u thava Mkoma, Txizimu txako, ni ti to u londeta totshe tinzila takwe, u mranda, ni ku mthumela Mkoma, Txizimu txako, ngu yotshe mbilu yako ni wotshe moya wako,

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

1 Samuwele 12:20

Sekoko Samuwele a to khene ka vathu: Mi nga thaveni! Hambi ku anu mi nga maha wotshe wubihi wuwa; kambe mi nga lekeni nzila ya Mkoma, aniko thumelani Mkoma ngu mbilu yanu yotshe.

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

Joxuwa 24:21

Ti di ngeto, vathu va xamute ka Joxuwa va txi kha vona: “Lambi! Athu hi na khozela Mkoma dwe.”

Dhewuteronome 13:4

Mi na londisa Mkoma, Txizimu txanu, mi txi mthava, mi vekisa sirumo sakwe, mi txi engisa dipswi dakwe, mi txi thumela ene, mi namarela kwakwe.

1 Samuwele 7:3

Sekoko Samuwele a to womba ka votshe va nyumba ya ka Israyeli, a txi khene: Ngako mi txi hundukela ka Mkoma ngu totshe timbilu tanu, thavisani sizimu sa vamatiko ni sa astarote hagari kwanu, mi lulamisela Mkoma timbilu tanu totshe, kambe mi thumela ene dwe, se a na mi hulukisa manzani ka Vafilista.

Joxuwa 24:24

Vathu va to womba ka Joxuwa va txi kha vona: “Athu hi na khozela Mkoma, Txizimu txathu, ni dipswi dakwe hi na di engisa.”

Malakiya 3:10

Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.

Isaya 33:16

Awuwa a na zumba txitimwi; mikhokhola ya marigwi yi na maha wuthavelo wakwe wo guleka, a na ningwa dipawu dakwe, ni mati akwe ma na maneka.

1 Samuwele 12:24

Thavani Mkoma dwe, mi mthumela ngu kuthembeka ka timbilu tanu totshe, nguko wonani timhaka ta hombe ti a nga mi mahela tona.

Jeremiya 8:2

ma na hangalaswa masoni ka ditambo ni mtxima ni tiyimbi ta nzuma, asi va nga si randa ni ku si thumela, ni si va nga si londetela, ve si wotisa ni ku si khizamela; kha ma na mbi ngadi me sengeletwa, hambi kukelelwa, ma na maha sinoniso ha mafuni.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Ekleziyaste 5:20

Nguko kha na mbi alankanyela ngutu masiku a kuhanya kwawe; nguko Txizimu txi mxamula ngu kutsakisa mbilu yakwe.

Dhaniyeli 1:15

Ngako ku dipindile digumi da masiku, tikhohe tawe ti to woneka ti di tshurile ngutu, vona va ti enile ngutu kupala otshe mazambi ale ma nga ti tidya sakudya sa mfumeli.