Eksodha 23:24 - Bhiblia Yo Sawuleka

²⁴ U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Eksodha 23:24 Referans Kwoze

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Mitengo 33:52

mi na tutumisa votshe va zumbako ka dona, masoni kwanu, ni kukhundumusela sotshe sithombe sawe; kambe mi na khundumusela sotshe sifananiso sawe sa tisimbi, mi na khundumusela sotshe sithombe sawe;

Dhewuteronome 12:3

mi na ya khundumusela siluvelo sawe, mi na ya phatulela mi hisetela sithombe sawe, ni sifaniso sa kona sa miphaxo, mi na fayetela sithombe so vatwa sa sizimu sawe, ni kufuvisa matina a sona ka wukhalo wule.

Dhewuteronome 7:5

Ngu tiya mi fanelako ku va mahela, kukhundumusa siluvelo sawe, mi txi fayetela marigwi awe a wukhongeli, mi wilela tiphande tawe, ni kuhisa sithombe sa Aseri.

2 Makronika 33:9

Sekoko Manasi a to phazamisa va ka Judha ni vahanyi va Jerusaleema, ve maha kubiha kupinda mifumo yile Mkoma a nga ti ti yi hangalasile masoni ka Vaisrayeli.

Levhi 18:3

Mi nga maheni ati va mahako Vaegipta, vale mi nga hanya navo ka masiku ale ma nga pinda, hambi tile va mahako Vakanana, vathu va ditiko dile ni lavako ku mi yisa ka dona, hambi kulondeta mikhuwo yawe.

Eksodha 32:20

Ngu msana a to teka dirole dile va nga ti di mahile, e di hisa a txi di kuya di txi maha lifenyenye a txi li wavalasa matini. Se e ninga vanana va ka Israyeli mati a kona va txi sela.

Ezekhiyele 16:47

Hambi keto khwa tsimbila ka tinzila tawe, kambe khwa londisela manyala awe; aniko eto ndidotho, u ti nyetisete ngutu kupinda vona, ka totshe tinzila tako.

Masalmo 101:3

ni na leka yotshe mithumo yo biha. Na nyenya mithumo ya vabihi; kha ni na mbi tumela kusengela navo.

2 Makronika 33:2

A to maha wubihi masoni ka Mkoma, kufana ni manyala a vathu va mamwani matiko, va Mkoma a nga ti vatutumisile masoni ka vanana va ka Israyeli.

Eksodha 23:13

Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

Eksodha 23:32

U nga mahe txitumelelano navo, ni sizimu sawe.

Eksodha 23:33

Vona kha va na mbi zumba ditikoni kwako, kasi ku va si mi onhisi masoni kwangu, nguko mi txi khozela sizimu sawe, mi na loviswa ngu mlawu.”

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

2 Vafumeli 3:2

Se a to maha wubihi masoni ka Mkoma; hambi keto kha nga tile a nga mahisa tona tate wakwe ni mwamwakwe; nguko ene koko a thavisile txithombe txa Bhahali a txile txi ngadi mahilwe ngu tate wakwe.

2 Vafumeli 18:4

A to khundumusela siluvelo sa wukhongeli wa txihedheni, a to fayetela sithombe, e wisetela tiphande, e wilela mnyoka wa txikete wu nga ti mahilwe ngu Mosi, nguko kala ka ditshiku dileya vanana va ka Israyeli va txi ngadi ve wuhisela dibaselo ni ku wu dhana ku kha vona i Newustani.

Eksodha 20:3

U ngave ni simwani sizimu masoni kwangu.

Mitengo 25:2

Vona va to ramba vathu kuya phaxela sizimu sawe; vathu va to dya, ve khizamela sizimu sawe.

2 Vafumeli 17:8

Se va to tsimbila ngu sileleto sa mifumo yile, Mkoma a nga yi thavisa kule ka vanana va ka Israyeli, ya sihena sa vafumeli va ka Israyeli.

2 Vafumeli 17:11

Se va to hisa dibaselo ka sotshe siluvelo, madingano ni mifumo yile Mkoma a nga yi tutumisa masoni kwawe; kambe va to maha to biha kasi kuwusa kuhenya ka Mkoma.

2 Makronika 14:2

Se Asa a to maha tile i ngadi tinene ni to lulama masoni ka Mkoma Txizimu txakwe,

2 Makronika 25:14

Ku to maheka taku, msana ka kuva Amaziya a di dayete Vaedhomi, a to wiya adi rwate sizimu sa vanana va ka Seyiri, se e ta simaha sizimu sakwe, e si khizamela, e si hisela dibaselo.

Hoseya 10:2

Timbilu tawe ti abanekile; ngu kumaha keto, va na va ni mnandu; a na wilela siluvelo sawe, e khundumusa ni sifananiso sawe so wumbwa.