Eksodha 23:22 - Bhiblia Yo Sawuleka

²² Aniko ngako u txi engisa ngu kuthembeka u txi maha totshe atile ni no kugela, sekoko ni na va ni di mlala wa valala vako ni txi wukela avale va kuphikako.

Eksodha 23:22 Referans Kwoze

Genesisi 12:3

Ni na katekisa wule a no kukatekisa, ni ruketela wule a no kueyisa. Ngu mhaka yako, ti nava ti txi katekiswa totshe tixaka ta ha mafuni.”

Dhewuteronome 30:7

Mkoma, Txizimu txako, a na maha ti to otshe makhombo awa me wela txitimwi ka valala vako, txitimwi ka vale va nga txi ku bavela, avale va nga txi kuxupha.

Zakariya 2:8

Nguko Mkoma wa Mabutho a Tiyimbi a khene: Msana ka wudhumo, ene a ni rumete ka matiko ale ma nga mi handa; nguko wule a mi gwesako, a gwesa pfhaka ya diso dakwe.

Jeremiya 30:20

Vanana vawe va na nga kale, msengeletano wawe wu na tsana masoni kwangu; ni na peka votshe vatsindaveti vawe.

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

2 Vatesalonika 1:6

Nguko ti lulamile ti to Txizimu txi tshumetela ngu sixaniso ava va mi xanisako.

Dhewuteronome 28:1

“Se ku na maheka taku, ngako u txi pfa dipswi da Mkoma, Txizimu txako, u vekisa sotshe sirumo sakwe, asi ni ku leletako nyamsi, Mkoma, Txizimu txako, a na kuguleta txitimwi ka yotshe mifumo ya ha mafuni.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Mitengo 24:8

Txizimu txi mthavisile Egipta; mtamo wakwe wu fana ni wa nyari; a na heta matiko a valala vakwe, kambe a na funya marambu awe, a txi va thola ngu miseve yakwe.

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Masalmo 35:1

Mkoma, abanisa avale va ni mangalelako; u txi lwa ni vale va ni lwisako.