Eksodha 23:21 - Bhiblia Yo Sawuleka

²¹ Yi xoniphe masoni kwako, u txi engisa dipswi da yona, u nga yi eyise, nguko kha yi na mbi divalela sihoxo sanu, kambe yona yi na womba ngu ditina dangu.

Eksodha 23:21 Referans Kwoze

Masalmo 78:56

Aniko Vaisrayeli va dukile Txizimu Nyatxitimwi, ve txi wukela, va si vekisi milayo ya txona.

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

Vahebheru 12:25

Ti woneleni ti to mi si lambi kuengisa wu a wombawombako. Nguko, akuwa va nga mbi huluka kutsayiswani avale va nga lamba kuengisa awule a nga ti va kawuka ha mafuni, ngutu-ngutu athu kha hi na mbi huluka, ngako hi txi lamba kuengisa awu a hi kawukako a di nzumani.

Johani 10:38

Aniko, ngako ni txi yi thuma, hambi mi si kholwi kwangu, kholwani ka yona mithumo, kasi ku tiziva, mi va mi txi ti zivisisa ti taku Tate a kwangu, nani ni kwakwe.”

Johani 10:30

Ani ni Tate hi mmweyo.”

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Eksodha 3:14

Se Txizimu txi ti kha txona ka Mosi: “ANI NGANI I KU ANI.” Txizimu txi to kha txona kambe: U na ya womba tiya ka vanana va ka Israyeli: “ANI NGANI, a ni rumile kwanu.”

Vakolosa 2:9

Nguko wuzimu wotshe wu akile ngu kutala mmidini kwakwe,

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

Dhewuteronome 18:19

Se ngako ku txi maneka m'thu wo mbi engisa mapswi anu, aawa ma no huwelelwa ngu mprofeti ditinani kwangu, ani nipune ni na m'dhana e ta ti xamulela.

Mitengo 14:11

Mkoma a ti khene ka Mosi: “Vathu vava, va na ni nyenya kala yihi mbimo kani? Kala yihi mbimo va si ni thembi kani? Hambi ku va nga wona sixamaliso si ni nga va mahela kambe ni kambe kani?

Johani 5:23

Kasiku votshe ve thava Mwanana, nga ti va thavisako tona Tate. Awu asi thaviko Mwanana, kha thavi ni Tate wu a nga mruma.”

Mitengo 14:35

Ngani Mkoma ni wombako, ni na mahisa tonti ka msengeletano wu wo biha, awu wu tshanganako, kasi ku ni sola ni ku ni wukela. Votshe va na guma txiwulani ngu kufa.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Eksodha 6:3

Ni humelete ka Abrahamu, ka Isaake ni ka Jakobe ni di Txizimu txa Mtamo-Wotshe; aniko ngu ditina dangu, ani Mkoma, kha na ti zivekisa ngu dona.

Mtuletelo 2:23

Ni na daya vanana vakwe, kasiku otshe Mabanza me tiziva ti to ngani ni zivako makungo a titsho ni a mbilu, ni ti to mmweyo ni mmweyo wanu ni na mu tshumetela madingano ni mithumo yakwe.

Mtuletelo 2:8

Ka ngelozi ya Dibanza da Esmirna, bhala u txi khawe: “A womba tiya awule wo khata ni kugwitisa, awule a nga ti fite, se e tshumela e hanya.

Mtuletelo 1:8

Ani ngani Alfa ni Omega, kha Mkoma Txizimu, awu a kuho, awu a nga ti ho, awu a tako, awu i ku nyamne wa mtamo.

Masalmo 2:12

Khizamani masoni kwakwe, kasiku asi henyi, na nanu mi si lovi mi di ngadi ha nzila, nguko kuhenya kwakwe ka kuluveta kutura. Va katekile avale va thembako Mkoma!

Mtuletelo 3:7

Ka ngelozi ya Dibanza da Filadhelfiya, bhala u txi khawe: “A womba tiya msawuleki, awu wa Ditshuri, awu a ku ni khiya ya Dhavhidha, awu a tulako, ku si maneki ni wammweyo wo seka, awu a sekako, ku si maneki ni wammweyo wo tula.

1 Johani 5:16

Ngako m'thu a txi wona mwanawe a txi maha txionho, atxi txi si yisiko kufani, a na mkombelele; se Txizimu txi na mninga wutomi, ngako kha ditshuri txionho txiya i si nga txa kuyisa kufani. Txiho txionho txi txi yisako kufani, kambe hi nga txona txi ni ku khani a na mkombelela ngu txona.

Vahebheru 3:16

Mba mani va va nga engisa dipswi da Txizimu se ve txi duka kani? Hi nga vona va va nga huma Egipta, va txi thangelwa ngu Mosi, kani?

Matewu 17:5

Ene a di ngadi a txi womba tiya, ku to humelela direfu do woninga, di nga va fenengeta, se direfuni mule ku to pfala dipswi, di di nga womba tiya: “Awuwa i Mwanana wangu wo randeka ngutu, awu ni tsakiswako ngutu ngu ngene. Mu engiseni!”

Matewu 1:23

“Wotuma a na mana txirumbu e veleka mwanana wa m'zambi, awu a no raywa ditina daku i Emanuweli, (Emanuweli, ati ti wombako ku ‘Txizimu txi na ni nathu.’ ”)

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Jeremiya 5:7

“Ni nga ku divalelisa kutxani kani? Vanana vako va ni lekile, va xambanya ngu va i singako sizimu! Hambi ni di va khurisile ngu kudingana, vona va mahile wugango, va to sengeletana nyumbani ka wugango na i di vangi ngutu.

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Isaya 45:6

Kasi ku ti na ziwa kukhukhela wutxani, ni kukhukhela mswa-ditambo, tito, hahanze kwangu kha ku na mmwani; ani ngani Mkoma, se kha ku na mmwani.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Valamuli 13:18

Se Ngelozi ya Mkoma yi to mxamula ku kha yona: “Ngu kutxani u wotisako ditina dangu, na kuve da yila ku di womba kani?”

Isaya 9:5

Nguko otshe matxhari a vale va nga lwa yimbini, ni syambalo sile si nga phutela mnoha, si na rinzwa mndiloni, si txi hiswa.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.