Eksodha 23:20 - Bhiblia Yo Sawuleka

²⁰ “Wona, na ruma ngelozi masoni kwako, ayi yi no kuxayisa hagari ka nzila, yi txi kuhokisa ka wukhalo wule ni nga kululamisela wona.

Eksodha 23:20 Referans Kwoze

Eksodha 33:14

Mkoma a wombile a txi khene: “Ani ngu wutumbu wangu ni na kupangalata ni na kuhumuta.”

Masalmo 91:11

Nguko Mkoma a na rumela tingelozi takwe kwako, kasi ku ta ku wonelela ka totshe tinzila tako.

Eksodha 32:34

Tsula koko konkuwa, thangela vathu u txi ya ha ni nga kuleleta kona. Ngelozi yangu yi na thangela masoni kwako. Aniko ka ditshiku di ni nota thethisa, ni nata va tsayisa ngu txionho txawe.”

Eksodha 14:19

Ka mbimo yoneyo, Ngelozi ya Txizimu, ayi yi nga ti thangela mabutho a va ka Israyeli, yi to khukha yi txi zumbela msana kwawe. Ni yona phande ya direfu yi to guleka yi txi khukha masoni kwawe yi ta manekela msana;

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Eksodha 33:2

Ni na ruma ngelozi yi txi thangela masoni kwako (ni na humisa hahanze Vakanana, Vaamori, Vaheti, Vaferezi, Vahevhi ni Vagebhuzi),

Matewu 25:34

“Sekoko Mfumeli a na gela vale va ku txinene a txi khene: ‘Ngonani anu mi nga katekiswa ngu Tate wangu, amukelani thomba ya Mfumo, ayi mi nga lulamiselwa kukhukhela di txi mahwa ditiko.

Johani 14:3

Se ni di tsute, ni txi ya mi lulamisela wukhalo, ni na wuya kambe, ni ta mi teka, mi ya zumba kumweko ni nani, kasiku, ahawa ni ku kona ani, mi txi va mi di konaho nanu.

Malakiya 3:1

Wonani taku, ni mi rumela ngelozi yangu, ayi yi no ni lulamisela nzila, se msana keto, Mkoma wule anu mi mlavako, a nata ngu kukuluveta dithepeleni kwakwe, Ngelozi ya txitumelelano, ayile anu mi yi verelako; wonani taku yata, kuwomba Mkoma wa Mabutho a Tiyimbi.

Joxuwa 6:2

Sekoko Mkoma a to khene ka Joxuwa: “Wona! Ni ningete manzani kwako didhoropa da Jeriko, mfumeli wa dona, ni vavamna va dona, va tindena ta mtamo.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Joxuwa 5:13

Se ku to maheka taku, ngako Joxuwa a di hafuhi ni Jeriko, a to gula maso akwe a txi wona, a to wona wamwamna wokari, a di emile masoni kwakwe, na a di ni ditxhari manzani kwakwe, se Joxuwa a to tshuketa kwakwe, a txi m'gela tiya: “U mmweyo wathu mwendo u mmweyo wa valala vathu kani?”

Eksodha 15:17

Awe u na va wuleta ni ku va phaya ka mmango wu i kuthomba yako, wukhalo wule awe, Mkoma, u nga ti lulamisela kuzumba kona; wukhalo wo sawuleka Mkoma, wo akwa ngu manza ako.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 24:7

Mkoma, Txizimu txa nzuma, awu a nga ni teka nyumbani ka tate wangu ditikoni mu ni nga velekelwa kona, awu a nga ni gela ngu kuxambanya a txi khene: Ni na ningela ditiko diya ka liveleko lako, ene a na ruma ngelozi yakwe masoni kwako, se u na ya lowolela kheyo msikati mwanana wangu.

Genesisi 24:40

“Mkoma, awu ni tsimbilako ngu mlayo wakwe, a na rumela ngelozi yakwe kumweko ni nawe a txi katekisa dipfhumba dako, u na ya tekela kona mwanana wangu msikati, wa lixaka la ka kwathu, muwa nyumbani ka tate wangu.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Eksodha 23:23

Ngelozi yangu yi na kuthumela masoni kwako, kambe yi na kuyisa ditikoni ka Vaamori, ka Vaheti, ka Vaferezi, ka Vakanana, ka Vahevhi ni ka Vajebhusi, ani ni na va lovisa.

Mitengo 22:22

Se kuhenya ka Txizimu ku to tura, nguko ene a ti ti tsula; se Ngelozi ya Mkoma yi to tsiva nzila, kasi ku asi pindi; ene a ti gadhile mbongola yakwe ni sithumi sakwe sa simbidi si txi mpangalata.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Joxuwa 23:5

Mkoma, Txizimu txanu, ene apune a na va girimusa masoni kwanu, a na va honyola ditiko a txi mi ninga, se anu mi na di fuma, nga ti Mkoma, Txizimu txanu, a nga mi thembisa.

Joxuwa 5:14

Se ene a to khene: “Ahim-him! Aniko konkuwa nita kota mthangeli wa dibutho da Mkoma.” Sekoko Joxuwa a to khizama e namisa khohe yakwe hahatshi, a txi mkhozela, e m'gela tiya: “U lava kuwomba txani, awe Nyamne wangu, ka txithumi txako kani?”

Zakariya 12:8

Ka ditshiku donedo, Mkoma a na vhikela vahanyi va Jerusalema, se awule hagari kwawe a no humbwa ka ditshiku donedo, a na nga Dhavhidha, kambe nyumba ya Dhavhidha yi na nga Txizimu, kufana ni Ngelozi ya Mkoma, masoni kwawe.