Eksodha 23:2 - Bhiblia Yo Sawuleka

² U nga londete mtxawa wa mtalo wa vale va mahako to biha. U nga emele ava votala habanza, ngako va txi jikisa mahungu a ditshuri,

Eksodha 23:2 Referans Kwoze

Mavingu 1:15

Mwanangu, u nga tsimbile navo ngu tinzila tawe; vayilelisa mkondo wako ka tisoko tawe.

Jobe 31:34

ni na dhudhumele masoni ka dibutho da hombe, ni kuxowokiswa ngu mimwaya ya vathu, se ani ni na malale, ni nga hume ha txikeni.

Dhewuteronome 1:17

Mi nga yeni ngu khohe kulamulani kwanu: Mi na engisa ngu kufana mhaka ya wam'dotho ni mhaka ya wa hombe. Mi nga thaveni txiemo txa m'thu, nguko kulamula kuta ngu ka Txizimu. Ngako mhaka i di yo karata kwanu, yi tiseni kwangu, kasi ku ani ni txi ta yi engisisa.

Luka 23:51

awu a nga ti sa pfana navo ka malamulelo awe ni mthumo wawe. I ti wa Arimateya, didhoropa da Vajudha, awu a nga ti rinzela Mfumo wa Txizimu.

Marku 15:15

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.

Mavingu 4:14

U nga wulele ka nzila ya vaonhi, hambi kutsimbila ngu nzila ya vo biha.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Mithumo 25:9

Hambi keto, Festo a txi lava kutsakisa Vajudha, a to wotisa ka Paulo, a txi khene: “U randa kukwela u ya Jerusalema, kasi kuya lamulwa masoni kwangu kani?”

Mithumo 24:27

Kambe, ngako ku di pindile malembe mambidi, Porkiyo Festo a to fuma, e tsiveta Felikisi. Kasi Felikisi a ti lekile Paulo mkorani, ngu kuranda kutsakisa Vajudha.

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

Jeremiya 37:21

Sekoko mfumeli Zedhekiya, a to va ruma ti to Jeremiya a txi vekwa dizumboni ka vawoneleli; e ningwa dipawu dimwedo ditshiku ni ditshiku ka digondo da vabhiki va mapawu, ma txi za otshe mapawu me guma didhoropani. Na Jeremiya a ti dizumboni ka vawoneleli.

Jeremiya 37:15

Vanana va mfumeli va to henya ngutu ngu Jeremiya, va txi mpeka, va txi mkhotela nyumbani ka Jonatani mabhalani, nguko va nga ti yi mahile mkora.

Masalmo 72:2

kasiku e thethisa vathu vako ngu kululama ni kuxayisa sisiwana ngu kululama.

Levhi 19:15

Mi nga hambaniseni mhaka kulamulani kwanu; u nga wone khohe ya wule i ku txisiwana, kambe u nga khatalele nyatithombe; u fanete kulamula mkwanu ngu kululama!

Genesisi 19:4

Na va sinzi kuya kuotelani nyumba ya Loti yi to randelwa ngu votshe vathu va didhoropa, vathu va Sodhoma, vadotho ni vahombe,

Genesisi 6:12

Txizimu txi woni ti to ditiko di tate ni wubihi, nguko votshe vathu va ti ti londeta nzila ya walo.

Varoma 1:32

hambiko va ti zivako ti to Txizimu txi vekile mlayo wu wu wombako ti to avale va mahako toneto, va fanetwe ngu kufa, vona kha va gwiteli ku ti maha dwe, aniko va emela ni vale va ti mahako.

Ezekhiyele 9:9

Sekoko a to ni gela ku khene: Wubihi wa nyumba ya Israyeli ni ya ka Judha mbwa hombe ngutu, ditiko di tate ngu mnoha, ni didhoropa di tate ngu wukanganyisi; vona va kha vona: Mkoma a lekile ditiko. Mkoma kha woni.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Dhewuteronome 16:19

U nga bihise mhaka, u nga ve ni txisawulela hagari ka vathu, kambe u nga tumele kuxavelelwa, nguko kuxavelela ka vhala maso a m'thu wo ziva, kambe ka jikisa mhaka ya vale i ku vo lulama.

Genesisi 7:1

Msana keto, Mkoma a to khene ka Nowa: “Wulela ngalavani, awe ni mwaya wako, nguko ngawe wekha wo lulama ni kuwonako masoni kwangu, ka liveleko liya.

Hagayi 1:4

Ina ngu yona mbimo yo anu mi zumba ka tinyumba tanu to thsuriselwa, se ayiya nyumba yi maha ditshatsha kani?

1 Samuwele 15:9

Se Sawule ni vathu vakwe va to divalela Agage, ni tinvuta takwe ta ti nene ni tihomu takwe, tihamba, ni simwani sa lisima, kha va lava ku si lovisa do gwita; kambe sotshe simaha sa kwa mbi vhuna txilo ni sa kwa mbi na lisima va to si lovisa do gwita.

Mavingu 18:5

Hi nga tinene kuemela m'bihi, ku txi wiswa wo lulama kulamulwani.

1 Samuwele 15:24

Sekoko Sawule a to khene ka Samuwele: Ni onhile, nguko ni ndakile sileleto sa Mkoma ni mapswi akwe; nguko ni to thava vathu ni engisa dipswi dawe.