Eksodha 23:19 - Bhiblia Yo Sawuleka

¹⁹ Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Eksodha 23:19 Referans Kwoze

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Dhewuteronome 26:10

Se wona taku, ni tisile mihando yo khata ya mafu awa u nga ni ninga, awe Mkoma.” Sekoko u na yi veka masoni ka Mkoma, Txizimu txako, kambe u na khizama masoni ka Mkoma Txizimu txako.

Nehemiya 10:35

Ni kuneha kambe dilembe ni dilembe Nyumbani ka Mkoma, mihando yo khata ya mafu athu ni yotshe mihando yo khata ya mindonga yotshe.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Dhewuteronome 26:2

sekoko u na teka mihando yo khata ka yotshe mihando yile u no elula ka dona ditiko dile Mkoma, Txizimu txako, a no kuninga, u na yi veka amu ka txirundu, u txi tsula nayo ka wukhalo wule Mkoma, Txizimu txako, a no wu sawula, kasi ku ditina dakwe di txi dhumiswa ka wona.

Mtuletelo 14:4

Avava ngu va va nga mbi ti nyeta ngu vavasikati: Mbotuma. Avava ngu vona va londetelako Txinvutana, hani ni hani txi yako kona. Avava va ponisilwe hagari ka vathu, ti to ve maha mihando yo khata ka Txizimu ni ka Txinvutana.

1 Vakorinto 15:20

Aniko hi nga tona! Kristu a wukile ngu ka vo fa, ngene matiwula a votshelele va va nga otela.

Jeremiya 10:3

Vamatiko va kholwa ka sizimu sa walo. Nguko mndonga wu nga wilwa txitingani, kuthumiswa nzanga ya mvati;

Mavingu 12:10

M'thu wo lulama a khatalela wutomi wa sifuyo sakwe, aniko wumbilu wa vaonhi mbudayi.

Mavingu 3:9

Dhunda Mkoma ngu thomba yako, ni sotshe so khata sa mu ka dibhindu dako;

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

Mitengo 15:21

Ka sile mi no khata ngu sona kuelula, mi na ningela ka Mkoma, mningelo wo ndiwitelwa, ka totshe tiveleko tanu.”

Nehemiya 10:36

Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.

Ezekhiyele 44:30

Kambe matiwula a yotshe mihando yo khata ka sotshe, ni yotshe miningelo ya sotshe ka sotshe sa miningelo yanu, si na lumba vaphaxeli; ni so khata ka silo sanu, mi na si ningela ka mphaxeli, kasi ku a na txhikisa makatekwa txitimwi ka nyumba yako.

Ezekhiyele 48:13

Se va ka Levhi va na va ni wukhalo wa 25.000 wa tipimo kulapha, ni 10.000 wa tipimo kuanama; kulapha ka kona kotshe i nava ka 25.000 wa tipimo, se ni kuanama ka 10.000 wa tipimo.

Ezekhiyele 48:14

Kambe kha va na mbi xavisa txilo ka esso, hambi kutxitxisa, mwendo kuningela mihando yo khata ya mafu, nguko njo sawuleka sa Mkoma.