Eksodha 23:18 - Bhiblia Yo Sawuleka

¹⁸ U nga ningele mnoha wa mphaxo wangu kumweko ni dipawu do tshumbelwa; kambe ku nga sale mafura a ku ni lumba amu ka m'buso, kukhukhela wusiku kala ni mixo.

Eksodha 23:18 Referans Kwoze

Levhi 2:11

Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma.

Eksodha 34:25

U nga phaxeli ha magandeloni kwangu ngu mnoha ni mapawu o tshumbelwa, mphaxo wa M'buso wa Pasika kha wu na mbi zumba wotshe wusiku kala mangwana.

Dhewuteronome 16:4

Amu ka mtxhanu wa masiku ni mambidi, ku nga thuke ku txi maneka mtshumbelo ka dotshe ditiko dako; ni nyama yi u nga daya ni minova ya ditshiku do khata, ku nga sale txilo kala mangwanani ka kona.

Eksodha 12:10

Ni txa tximwetxo txi nga sale kala mangwanani ka kona, ngako ku txi sala txokari, mi nata txi hisa mangwanani ka kona ni mixo ha mndiloni.

Levhi 7:15

Nyama ya txihari txi txi nga mahwa mningelo wa mhamba ya mpatano, yi fanete kudyiwa yotshe ka dona ditshikudo da mhamba, ku si sali ni txa txidotho txo ta dyiwa mangwanani ka kona.

Eksodha 12:8

Ka wusiku wonewo, va na dya nyama yo bawulwa ha mndiloni; ni mapawu o mbi tshumbelwa.

Levhi 7:12

Ngako i di mhamba ya kubonga, ni miphaxo ya kubonga kufanete kuningelwa sibhubhutela so mbi tshumbelwa, so vhuwa ni mtona ni sibhubhutela so mbi tshumbelwa ni sona, aniko so thelwa mtona, hambi ni sibhubhutela so mahwa ngu mpupu wo vhuwa ni mtona.

Eksodha 12:15

Mndani ka mtxhanu wa masiku ni mambidi mi na dya mapawu o mbi tshumbelwa, kukhukhela ka ditshiku do khata kala ka ditshiku da mtxhani ni mambidi, mi na thavisa mtshumbelo tinyumbani kwanu, nguko awule a no dya dipawu do tshumbelwa a na wilwa hagari ka va ka Israyeli.

Eksodha 16:19

Se Mosi a ti khene kwawe: “Ni wammweyo a nga veke so ta dya mangwana.”

Eksodha 29:34

Nga ti ku txi sala kala mangwanani ka kona didhawa da nyama ni mapawu a kona, asi si nga mahwa mningelo wa kuningelisiswa, u na si hisa ha mndiloni; kha si na mbi dyiwa, nguko nzilo so katekiswa.