Eksodha 23:17 - Bhiblia Yo Sawuleka

¹⁷ Sikhati siraru ngu dilembe, votshe vavamna va na woneka masoni ka Mkoma.

Eksodha 23:17 Referans Kwoze

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Eksodha 34:23

Vathu votshe vavamna va ku hagari kwako va na ti wonekisa ka Mkoma Txizimu, Txizimu txa ka Israyeli;

Luka 2:42

Se mbimo yi a ngava ni tanga ya digumi da malembe ni mambidi, va to kwela va txi ya kona Jerusalema, madingano ni toloveto ya masiku a M'buso.

Masalmo 84:7

Vona va tsimbila na mtamo wu txi engetelwa ditshiku ni ditshiku kala veya ti kombisa Siyoni masoni ka Txizimu.

Dhewuteronome 31:11

ngako va ka Israyeli votshe va di tile ve ta ti kombekisa ka Mkoma, Txizimu txako, ka wukhalo wule ene a nga wu sawula, awe u na gonda mlayo wuwa, masoni ka votshe va ka Israyeli.

Dhewuteronome 12:5

aniko mi na ya khozela Mkoma, Txizimu txanu, ka wukhalo wule a no wu sawula hagari ka totshe tihunzu tanu, kasi kuveka kona ditina dakwe, ni kuva a txi zumba kona; se mi na va koneho.

Eksodha 23:14

U na ni mahela m'buso kuraru ngu dilembe.

Masalmo 42:2

Moya wangu wu ni ditora do lava Txizimu, Txizimu txo hanya! Ditshiku muni ni no ya wona khohe ya Txizimu kani?

Masalmo 122:4

Eyo ti kwelako tiya kona tihunzu, tona tihunzu ta Mkoma, ve fakazela mlayo wa Israyeli, kasi kuya dhumisa ditina da Mkoma.

Isaya 1:12

Mbimo yi mitako masoni kwangu, mi getwe ngu mani kuhumisa simaha mi ta kandetela siluvelo sangu kani?

Masalmo 42:3

Kudila mirongo, ngumba sakudya si ni dyako wusiku ni mitshikari, nguko ditshiku ni ditshiku va ni wotisa va txi kha vona: “Txi hani Txizimu txako kani?”