Eksodha 23:14 - Bhiblia Yo Sawuleka

¹⁴ U na ni mahela m'buso kuraru ngu dilembe.

Eksodha 23:14 Referans Kwoze

Dhewuteronome 16:16

Sikhati siraru ngu dilembe votshe vavamna va fanete kuya ti kombekisa masoni ka Mkoma, Txizimu txako, ka wukhalo wule ene a nga wu sawula: Ka M'buso wa Mapawu o mbi Tshumbelwa, ni ka M'buso wa Mavhiki ni ka M'buso wa Matenda; kambe a nga ti kombekise masoni ka Mkoma a sa ñola txilo;

Levhi 23:34

Gela vanana va ka Israyeli u txi khawe: Ka ditshiku da digumi ni mtxhanu ka wona mtximewo wa wutxhanu ni yimbidi, ku na mahwa m'buso wa mabharakawu, amu ka mtxhanu wa masiku ni mambidi, m'buso wo dhumisa Mkoma.

Levhi 23:16

Mi na bala mtxhanu wa magumi a masiku, kala ditshiku di di gametako Sabbata ya wutxhanu ni timbidi, se mi na maha mningelo wa wuphya wa sakudya ka Mkoma.

Levhi 23:5

Ka mtxima wo khata, ka ditshiku da digumi ni mune ka mtxima, ni minova, i Pasika ya Mkoma;

Eksodha 23:17

Sikhati siraru ngu dilembe, votshe vavamna va na woneka masoni ka Mkoma.

Levhi 23:4

Ayiya ngu yona mibuso ya Mkoma, i ku mibuso yo sawuleka, mi no yi ramba ngu mbimo ya kona yi nga emiselwa:

1 Samuwele 1:3

Wamwamna wuwa koko, a ti ti tolovela kukhukha didhoropani kwakwe, dilembe ni dilembe eya khozela ni kumaha mhamba ka Mkoma wa Mabutho a Tiyimbi, kona Silo; se ku ti ni vaphaxeli koneyo Silo; kambe koneyo ku ti ti ni vaphaxeli va Mkoma, Hofini ni Finiyasi, i ku vanana vambidi va Eli.

1 Vafumeli 9:25

Se Solomoni a ti ti ningela mphaxo wo hiswa, kuraru ngu dilembe, ni miphaxo ya kuthutha, txitimwi ka txiluvelo txi va nga akela Mkoma, se a ti hisa dibaselo txitimwi ka sile si nga ti masoni ka Mkoma; aniko nyumba yi to gumiseto.

2 Makronika 8:13

e ningela mphaxo wa ditshiku ni ditshiku, madingano ni sirumo sa Mosi, ngu milongiso, ni ka mtxima wa wuphya, ni ya mibuso yo mahwa kuraru ngu dilembe ni m'buso wa dipawu do mbi tshumbelwa, ni m'buso wa Mavhiki, ni ka m'buso wa matenda.

Eksodha 34:17

U nga timahele sizimu so tshulwa.

Eksodha 34:18

Vekisa m'buso wa mapawu o mbi tshumbelwa; amu ka mtxhamu wa masiku ni mambidi, u na dya mapawu o mbi tshumbelwa, amu ka mtxima wa Abhibha, nguko ngu wona mtximewo u nga huma ngu wona ditikoni ka Egipta.

Dhewuteronome 16:1

Xayisa mtxima wa Abhibha, u mahela Mkoma, Txizimu txako, Pasika, nguko mtxima wa Abhibha ngu wona mtxima wule Mkoma, Txizimu txako, a nga kuhumisa ngu ka wona, ni wusiku, ditikoni ka Egipta.

Ezekhiyele 46:9

Aniko mbimo yi vathu va ditiko va nota ka mpipi wa Mkoma masoni kwakwe, awule a no wulela ngu nzila ya txike txa wulambwe ku ta khozela, a nata huma ngu nzila ya txike txa wuphemba; se awule a no wulela ngu nzila ya txike txa wuphemba, a nata huma ngu nzila ya txike txa wulambwe; kha na mbi tshumela ngu nzila ya txike txile a nga wulela ngu txona, aniko a na huma ngu ni a nga rendekela kona.