Eksodha 23:13 - Bhiblia Yo Sawuleka

¹³ Londetani ngu kukhatala totshe timhaka ti ni mi gelako, kambe mi nga thukeni mi khumbuka ditina da simwani sizimu, kha kulaveki di txi pfala sisofuni kwanu.”

Eksodha 23:13 Referans Kwoze

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

1 Timoti 4:16

Ti wonele upune, u txi xola ni gondo yi u gondisako. Tsana ka sona, nguko ngako u txi maha toneto, u na ti hanyisa awe ni va va ku engisako.

Zakariya 13:2

Se ku na maheka ka ditshiku donedo, kuwomba Mkoma wa Mabutho a Tiyimbi, ti to ni thavisa matina a sithombe ha mafuni, kha va na mbi ngadi ve si alakanya kambe; niku ni tovela vaprofeti, ni moya wa kwa mbi sawuleka ha ditikoni.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Hoseya 2:17

Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.

Dhewuteronome 12:3

mi na ya khundumusela siluvelo sawe, mi na ya phatulela mi hisetela sithombe sawe, ni sifaniso sa kona sa miphaxo, mi na fayetela sithombe so vatwa sa sizimu sawe, ni kufuvisa matina a sona ka wukhalo wule.

Vahebheru 12:15

Ti woneleni kha kwati, kasi ku ni wammweyo kwanu asi kelelelwi ngu mathomo a Txizimu. Ku nga ve ni m'thu a milako hagari kwanu nga mkoloti wo bava, awu wu vangako kukarateka ni kunyeta votala.

Vaefesu 5:15

Ti di ngeto, wonisisani ta tinene mahanyelo anu; mi nga hanyiseni ku nga vathu va va si ziviko, aniko hanyani nga vathu va va zivako,

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Masalmo 16:4

Kupanda ku na engetelana ka vale va ningelako miningelo ka simwani sizimu; Ani kha ni na mbi patana navo ka timhamba tawe ta mnoha, hambi kukhumbuka matina awe ngu txisofu txangu.

Joxuwa 23:11

Ngu toneto, ti karateni ngutu, kasi ku mi txi randa Mkoma, Txizimu txanu.

Joxuwa 22:5

Ti woneleni dwe, mi txi vekisa ngu kukhutala, sirumo sa milayo, ayi Mosi, txithumi txa Mkoma a nga mi ninga, ngu kuranda ka Mkoma, Txizimu txanu, mi txi tsimbila ngu tinzila takwe ka mbimo yotshe, mi xayisa sirumo sakwe, mi txi namarela kwakwe, ni ku mthumela ngu yotshe mbilu yanu ni wotshe moya wanu.”

Vaefesu 5:12

Nguko ati vona va ti mahako ngu kusisa, ta yila ni ku ti womba.

Masalmo 39:1

Ani ni to khani: Ni na xayisa tinzila tangu, kasi ku ni si onhi ngu lidimi langu; ni na xayisa txisofu txangu ngu matomu mbimo yile m'bihi a ku masoni kwangu.

Dhewuteronome 4:15

“Ti woneleni ta tinene anu mipune, anu kha ma wona txifananiso ni txa tximwetxo, ka ditshiku dile Mkoma a nga womba-womba kwanu, kona mmangoni ka Horebhi, a di hagari ka mndilo;

Mitengo 32:38

Se, Nebho, ni Bhahali-Meyoni, va txitxile matina, ni Sibhima. Se ve ninga mamwani matina, ka madhoropa awa va nga ma aketa.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Eksodha 23:32

U nga mahe txitumelelano navo, ni sizimu sawe.

Dhewuteronome 4:23

Ti woneleni mi si divali txitumelelano txi Mkoma, Txizimu txanu, a nga txi maha ni nanu, mi si thuki mi ti mahela txifananiso txo wumbwa, txa tximaha txihi ni txihi, a txi Mkoma, Txizimu txanu, a nga mi tsimba.

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.