Eksodha 22:9 - Bhiblia Yo Sawuleka

⁹ Ni yihi mhaka ku singako ni kupfana, mwendo ngu homu, mwendo ngu mbongola, mwendo ngu nvuta, mwendo ngu txyambalo, mwendo ngu tximwani txo maha txi nga mwalala, atxi txi wombwako ti to nja nombwe, mhaka ya kona yi na yiswa ka Txizimu. Atile Txizimu txi no womba ti to ana ni mnandu, a na diha e tshumeta ngu kuwuyeta kambidi wa kona.

Eksodha 22:9 Referans Kwoze

Dhewuteronome 25:1

Ngako vathu vambidi va txi henyisana, se ve yisa mhaka banzani kasi kuya lamulwa, valamuli va na thusa awu a nga lulama, va txi sunga awu a ku ni mnandu

Eksodha 22:4

Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

Matewu 18:35

Tate wanu wa nzumani nene ngu tona tiya a no mi mahisa tona, ngako mi si divaleli ngu timbilu tanu m'thu ni m'thu ka muakelani wakwe, minandu yakwe.”

1 Vafumeli 8:31

Ngako wokari a txi onhela mmwani, vekelwa txixambanyo txitimwi kwakwe ti to e xambanya, se txixambanyo txita masoni ka txiluvelo txako, ka yiya nyumba,

Matewu 18:15

“Ngako mwananu a txi kuonhela, tsula u txi ya mu kawuka i di anu mokha, awe ni nene. Ngako a txi kuengisa, u na va u di hanyisile mwananu.

2 Makronika 19:10

Vananu ava va zumbako madhoropani kwanu va na mi tisela timhaka ti ti humelela timwayani kwawe,

Eksodha 22:28

U nga ruketele valamuli, kambe u nga ruketele vathangeli va vathu vako, u nga va ruketele.

Eksodha 22:10

Ngako m'thu a txi vekela ka mmwani, mbongola, homu, mwendo txihi ni txihi txihari, se txi txi maneka txi txi fa, mwendo kulimala, mwendo txi txi mwalala, aha ko txi si manwi ngu m'thu,

Genesisi 31:39

Kha na ku wuyisela sifuyo si so dawa ngu sihari sa txitinga, aniko ani ngani ni nga dihela kupwateka ka sona, awe u ni dihisile kambe asile si nga piwa ni mitshikari, ni sile si nga piwa ni wusiku.

Levhi 6:5

mwendo ngu sotshe sile a nga xambanya ngu makuhu; se a na si tshumeta sotshe, e sanzekela ngu mpimwanyana wa wutxhanu; ngu ditshiku da mningelo wa kudivalelwa ka mnandu wakwe, a na si ningela ka nyamne wa sona.