Eksodha 22:4 - Bhiblia Yo Sawuleka

⁴ Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

Eksodha 22:4 Referans Kwoze

Eksodha 22:9

Ni yihi mhaka ku singako ni kupfana, mwendo ngu homu, mwendo ngu mbongola, mwendo ngu nvuta, mwendo ngu txyambalo, mwendo ngu tximwani txo maha txi nga mwalala, atxi txi wombwako ti to nja nombwe, mhaka ya kona yi na yiswa ka Txizimu. Atile Txizimu txi no womba ti to ana ni mnandu, a na diha e tshumeta ngu kuwuyeta kambidi wa kona.

Eksodha 22:7

Ngako m'thu a txi ya ningela ka mwakelani wakwe male mwendo simaha kasiku e si xayisa, se si txi ya piwa nyumbani ka wule a nga si amukela, ngako dikhokhokho da kona di txi manwa, di na diha ngu kuwuyeta kambidi wa kona.

Eksodha 22:1

“Ngako m'thu a txi pa homu mwendo nvuta, a txi yi daya mwendo ku yi xavisa, a na diha ngu mtxhanu wa tihomu ka homu yimweyo, ni mune wa tinvuta ka nvuta yimweyo.

Mtuletelo 18:6

M'tshumeteleni ngu ti nene a nga mi mahela tona. M'diheleni kambidi madingano ni mithumo yakwe ka digombe di a nga thela ngu dona so sela anu mu theleleni kambidi.”

Eksodha 21:16

Awule a pako m'thu a txi mxavisa, mwendo e ta manwa nayo manzani kwakwe, a na dawa.

Jeremiya 16:18

Se kukhata ni na va tshumetela kumbidi wubihi wawe ni sionho sawe, nguko va nyenyezisile ditiko dangu ngu sirumbi sa manyala awe, kambe ngu sinyenyeko sawe va tatile thomba yangu.”

Mavingu 6:31

aniko di txi manwa, di na diha ngu kupinda mtxhanu wa makhati ni mambidi; di na ningela yotshe thomba ya m'tini ka dona.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Eksodha 22:5

Ngako m'thu a txi ya dyisela txifuyo txakwe amu txitingani mwendo thembweni, a txi txi leka txi txi dya thembweni ka mmwani, a na diha sa txitinganimo, ni sa thembweni.

1 Samuwele 12:5

Se Samuwele a to khene kwawe: Mkoma i fakazi yangu masoni kwanu, kumweko ni wule a nga totwa i fakazi nyamsi, ya ti taku, kha kwa maneka txilo manzani kwangu. Se vathu va to kha vona: A nave fakazi.

Levhi 6:5

mwendo ngu sotshe sile a nga xambanya ngu makuhu; se a na si tshumeta sotshe, e sanzekela ngu mpimwanyana wa wutxhanu; ngu ditshiku da mningelo wa kudivalelwa ka mnandu wakwe, a na si ningela ka nyamne wa sona.